കണ്ണൂർ അഞ്ചരക്കണ്ടി ദന്തല് കോളേജിലെ വിദ്യാര്ത്ഥി നിതിന് രാജിന്റെ മരണത്തില് ദളിത് സംഘടനകള് നടത്തിയ ഹര്ത്താല് നേരിടുന്നതില് പോലീസ് വീഴ്ച്ച ഉണ്ടായെന്നു ഇന്റലിജന്സ് റിപ്പോര്ട്ട്. പ്രതിഷേധ സാധ്യത മുന്നില് കണ്ട് മുന്നൊരുക്കം നടത്തിയില്ലെന്നാണ് റിപ്പോര്ട്ടിലെ കുറ്റപ്പെടുത്തല്. ഹര്ത്താല് ദിവസങ്ങള്ക്ക് മുന്പ് തന്നെ പ്രഖ്യാപിക്കപ്പെട്ടതാണ് എന്നാല് ഇത് മുന്കൂട്ടി കണ്ട് പൊലീസ് മുന്നൊരുക്കങ്ങള് നടത്തിയില്ലെന്നാണ് ഇന്റലിജന്സ് റിപ്പോര്ട്ടിലെ വിമര്ശനം. അപ്രതീക്ഷിത ഹര്ത്താല് അല്ലായിരുന്നിട്ടു കൂടി പല ജില്ലകളിലും ക്രമസമാധാനം നടപ്പാക്കാനുള്ള മുന്നറിയിപ്പുകള് ലഭിച്ചില്ലെന്നും റിപ്പോര്ട്ടില് പറയുന്നു.
