ആർടിഐ നിയമത്തിൽ വെള്ളം ചേർക്കുന്ന നിലപാടില്ലെന്നും, അതീവ രഹസ്യ സ്വഭാവമുള്ള കേസുകളിലെ വിവരങ്ങൾ പുറത്തുവന്നാൽ അതിന്റെ ഗുണം പ്രതികൾക്കായിരിക്കും ലഭിക്കുകയെന്നും ആഭ്യന്തര മന്ത്രി രമേശ് ചെന്നിത്തല. T1, T2 എന്നിവ ചെറിയ സെക്ഷനുകളാണെന്നും മന്ത്രി പറഞ്ഞു. മൊഴികളും രേഖകളും പുറത്തുവന്നാൽ അത് കേസന്വേഷണത്തെ ബാധിക്കും, നിലവിൽ കുറ്റപത്രം ഉൾപ്പെടെ പരസ്യമാക്കുന്നുണ്ട്. എന്നാൽ അന്വേഷണ സമയത്ത് വിവരങ്ങൾ നൽകുന്നത് ശരിയല്ല എന്നതുകൊണ്ടാണ് ഇത്തരം ഒരു നടപടി സ്വീകരിച്ചതെന്നും കേസ് അന്വേഷണം പൂർത്തിയായാൽ വിവരങ്ങൾ നൽകുമെന്നും അദ്ദേഹം വ്യക്തമാക്കി.
