കൊച്ചി ധനുഷ്കോടി ദേശീയപാതയിൽ അടിമാലി കൂമ്പൻപാറയില് ലക്ഷം വീട് കോളനി ഭാഗത്ത് രാത്രിയുണ്ടായ മണ്ണിടിച്ചിലിൽ മരണപ്പെട്ട ബിജുവിന്റെ മകളുടെ പഠന ചെലവ് നഴ്സിംഗ് കോളേജ് ഏറ്റെടുക്കുമെന്ന് അറിയിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. ബിജുവിന്റെ മകള് കോട്ടയം കങ്ങഴ തെയോഫിലോസ് നഴ്സിംഗ് കോളേജില് രണ്ടാം വര്ഷ വിദ്യാര്ഥിനിയാണ്. മന്ത്രി വീണ ജോര്ജ് കോളേജിന്റെ ചെയര്മാന് ജോജി തോമസുമായി സംസാരിച്ചു. കോഴ്സ് പൂര്ത്തീകരിക്കുന്നതിനായി ആ മകളുടെ തുടര് വിദ്യാഭ്യാസ ചിലവുകള്, പഠന ഫീസും ഹോസ്റ്റല് ഫീസുമടക്കം എല്ലാം കോളേജ് ഏറ്റെടുക്കാമെന്ന് അദ്ദേഹം മന്ത്രിയെ അറിയിച്ചു.