‘മാര്ക്കോ’ എന്ന സൂപ്പര്ഹിറ്റ് ചിത്രത്തിന് ശേഷം ആന്റണി വര്ഗീസ് പെപ്പെയെ നായകനാക്കി ക്യൂബ്സ് എന്റര്ടെയ്ന്മെന്റ്സിന്റെ ബാനറില് ഷരീഫ് മുഹമ്മദ് നിര്മ്മിക്കുന്ന ‘കാട്ടാളന്’ സിനിമയുടെ ഫസ്റ്റ് ലുക്ക് പോസ്റ്റര് പുറത്ത്. കയ്യിലെരിയുന്ന സിഗാറും ചോരയൊലിക്കുന്ന മുഖവും കത്തുന്ന കണ്ണുകളുമായി നില്ക്കുന്ന പെപ്പെയെ ആണ് ഫസ്റ്റ് ലുക്കിലുള്ളത്. ഇതുവരെ കാണാത്ത രീതിയിലുള്ള വേഷപ്പകര്ച്ചയിലാണ് ചിത്രത്തില് താരം എത്തുന്നത് എന്ന് ഫസ്റ്റ് ലുക്ക് സൂചന നല്കുന്നുണ്ട്. നവാഗതനായ പോള് ജോര്ജ്ജ് സംവിധാനം നിര്വ്വഹിക്കുന്നു. വമ്പന് സാങ്കേതിക മികവോടെയും വന് ബഡ്ജറ്റോടെയും എത്തുന്ന ചിത്രം മലയാളത്തിലെ തന്നെ മികച്ചൊരു ദൃശ്യ വിസ്മയം തന്നെ ആകും. പാന് ഇന്ത്യന് താരങ്ങളായ സുനില്, കബീര് ദുഹാന് സിങ് എന്നിവരേയും ജഗദീഷ്, സിദ്ധിഖ്, ആന്സണ് പോള്, രാജ് തിരണ്ദാസു, ഷോണ് ജോയ്, റാപ്പര് ബേബി ജീന്, ഹനാന് ഷാ, കില് താരം പാര്ത്ഥ് തീവാരി, ‘ലോക’ ഫെയിം ഷിബിന് എസ്. രാഘവ് എന്നിവരെല്ലാം ചിത്രത്തിലുണ്ട്. പെപ്പെ തന്റെ യഥാര്ത്ഥ പേരായ ‘ആന്റണി വര്ഗ്ഗീസ്’ എന്ന പേരില് തന്നെയാണ് ചിത്രത്തില് എത്തുന്നത്.
