മാര്ച്ചില് അവസാനിച്ച നാലാം പാദത്തില് ഫെഡറല് ബാങ്ക് 1,259 കോടി രൂപ അറ്റാദായം രേഖപ്പെടുത്തി. കഴിഞ്ഞ വര്ഷവുമായി താരതമ്യം ചെയ്യുമ്പോള് 22 ശതമാനത്തിന്റെ വര്ധന. അറ്റ പലിശ വരുമാനം 33 ശതമാനം വര്ധിച്ച് 3,173 കോടി രൂപയായി. അറ്റ പലിശ മാര്ജിന് 3.74 ശതമാനമായി വര്ധിച്ചു. ബാങ്കിന്റെ മൊത്തം ബിസിനസ് 5.78 ലക്ഷം കോടിയായി. മൊത്തം നിക്ഷേപം 5.41% വര്ധിച്ച് 3.13 ലക്ഷം കോടിയിലെത്തി. കാസ നിക്ഷേപം 8.26% വളര്ച്ചയോടെ 1,03,390.30 കോടി കടന്നു. എന്ആര് (പ്രവാസി) നിക്ഷേപങ്ങള് 1 ലക്ഷം കോടി രൂപ എന്ന നാഴികക്കല്ല് പിന്നിട്ട് 1,02,619.69 കോടി രൂപയിലെത്തി. വായ്പകള് 2.47 ലക്ഷം കോടി രൂപയില് നിന്ന് 2.72 ലക്ഷം കോടി രൂപയായി ഉയര്ന്നു. മൊത്തം നിഷ്ക്രിയ ആസ്തി കഴിഞ്ഞ വര്ഷത്തെ 1.84 ശതമാനത്തില് നിന്ന് 1.62 ശതമാനമായി കുറഞ്ഞു.
