ഒക്ടോബര് 15 മുതല് പ്രാബല്യത്തില് വരുന്ന യുപിഐ നിരക്കുകളെക്കുറിച്ച് ഡിസ്കൗണ്ട് ബ്രോക്കര്മാര് ഉന്നയിച്ച ആശങ്കകള് സെബി പരിശോധിക്കുന്നു. വലിയ തുകകളുടെ കൈമാറ്റത്തിന് ഏര്പ്പെടുത്തുന്ന മര്ച്ചന്റ് ഡിസ്കൗണ്ട് റേറ്റ്, ബ്രോക്കര്മാരുടെ പ്രവര്ത്തനച്ചെലവ് കാര്യമായി കൂട്ടുമെന്നാണ് വിലയിരുത്തല്. നിക്ഷേപകര് പണം ട്രാന്സ്ഫര് ചെയ്താലും ട്രേഡിങ് നടക്കുമെന്ന് ഉറപ്പില്ലാത്തതിനാല് അധിക ബാധ്യത വഹിക്കേണ്ടിവരുമെന്ന് ബ്രോക്കര്മാര് ഭയപ്പെടുന്നു. സ്റ്റോക്ക് ബ്രോക്കര്മാര്, മ്യൂച്വല് ഫണ്ടുകള്, ഇന്വെസ്റ്റ്മെന്റ് അഡൈ്വസര്മാര്, ഡീലര്മാര് എന്നിവര്ക്കുള്ള പേയ്മെന്റുകള്ക്ക് 0.02 ശതമാനം എംഡിആര് ബാധകമാകും. ഒരു ഇടപാടിന് പരമാവധി 300 രൂപ വരെയാണ് ഈടാക്കുക. മൂലധന വിപണിയിലെ ഇടപാടുകള് ഉള്പ്പെടെയുള്ള വലിയ തുകകളുടെ കൈമാറ്റങ്ങള്ക്കാണ് ഈ നിരക്ക് നിശ്ചയിച്ചിരിക്കുന്നത്.
