കുവൈത്തിലെ മാംഗാഫ് മേഖലയിലെ അപ്പാര്ട്ട്മെന്റിലെ തീപിടുത്തത്തിൽ മരിച്ചവരുടെ കുടുംബങ്ങൾക്ക് സാമ്പത്തിക സഹായം നൽകാൻ കുവൈത്ത് അമീർ ശൈഖ് മിശ്അല് അല് അഹ്മദ് അല് ജാബിര് അല് സബാഹ് ഉത്തരവിട്ടു. മൃതദേഹങ്ങൾ ഇന്ത്യയിൽ എത്തിക്കാൻ വിമാനങ്ങൾ തയാറാക്കാനും അമീര് നിർദ്ദേശം നൽകിയതായി കുവൈത്ത് മാധ്യമങ്ങൾ റിപ്പോര്ട്ട് ചെയ്തു. പരിക്കേറ്റവരെ വിദേശകാര്യ മന്ത്രി അബ്ദുല്ല അൽ യഹ്യയും ആരോഗ്യമന്ത്രി ഡോ. അഹ്മദ് അൽ അവാദിയും ആശുപത്രിയിൽ സന്ദർശിച്ചു.
