സിപിഎം കേരളത്തില് മദ്യനയം ഉപയോഗിച്ച് കോടികള് പിരിച്ചെടുത്തെന്ന് കെപിസിസി പ്രസിഡന്റ് കെ സുധാകരന് എംപി ഇലക്ട്രല് ബോണ്ട് ഉപയോഗിച്ച് ബിജെപി സഹസ്രകോടികള് പിരിച്ചെടുത്തതിനു സമാനമാണിതെന്നും അദ്ദേഹം പറഞ്ഞു. തെരഞ്ഞെടുപ്പ് കാലത്ത് ബാര് ഉടമകളില്നിന്ന് കോടികള് ബലംപ്രയോഗിച്ച് പിരിച്ചെടുത്തെന്നും പണം നല്കാത്തവരെ കള്ളക്കേസില് കുടുക്കിയെന്നും ഏപ്രില് 12ന് മുഖ്യമന്ത്രിക്ക് ബാര് ഉടമകള് പരാതി നല്കി. ഇതു തന്നെയാണ് ബിജെപി കേന്ദ്രത്തില് ചെയ്തത്. വന്കിട പദ്ധതികള് വന്കിടക്കാര്ക്ക് ചുളുവിലയ്ക്ക് നല്കുകയും അതിന്റെ കമ്മീഷന് ഇലക്ട്രല് ബോണ്ടായി വാങ്ങുകയും വിസമ്മതിച്ചവര്ക്കെതിരേ കേന്ദ്ര ഏജന്സികളെ ഉപയോഗിച്ച് കേസെടുക്കുകയുമാണ് അവിടെ ചെയ്തത്. മോദിയില്നിന്ന് ശിഷ്യത്വം സ്വീകരിച്ച് പിണറായി വിജയന് ഇവിടെ മദ്യനയത്തില് അതു നടപ്പാക്കിയെന്നും സുധാകരന് കൂട്ടിച്ചേർത്തു.
