കളമശ്ശേരി സ്ഫോടനത്തെ തുടർന്നുണ്ടായ മാനസിക പ്രശ്നങ്ങള് പരിഹരിക്കുന്നതിന് മാനസികാരോഗ്യ ടീമിന്റെ പിന്തുണ ഉറപ്പാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. സ്ഫോടന സമയത്ത് ഉണ്ടായിരുന്ന മുഴുവന് പേര്ക്കും മാനസിക പിന്തുണ ഉറപ്പാക്കും. എറണാകുളം, കോട്ടയം, ഇടുക്കി, ആലപ്പുഴ, തൃശൂര് തുടങ്ങിയ ജില്ലകളില് നിന്നുള്ളവരാണിവര്. മാനസികാരോഗ്യ പരിപാടി, ടെലി മനസ് എന്നിവയിലൂടെയാണ് മാനസിക പിന്തുണയും കൗണ്സിലിങും നല്കുന്നതെന്നും മന്ത്രി അറിയിച്ചു.
