നിലമ്പൂര് ഉപതെരഞ്ഞെടുപ്പ് വിജ്ഞാപനം വന്നാലുടന് സ്ഥാനാര്ത്ഥിയെ പ്രഖ്യാപിക്കാനൊരുങ്ങി കോണ്ഗ്രസ്. കെ സി വേണുഗോപാലിന്റെ നേതൃത്വത്തില് കോഴിക്കോട് നടന്ന ചര്ച്ചയില് ആര്യാടന് ഷൗക്കത്തിന്റെ പേരിനാണ് മുന്തൂക്കം ലഭിച്ചത്. മലപ്പുറം ഡി സി സി പ്രസിഡന്റ് വി എസ് ജോയിയുടെ പേരും സജീവ പരിഗണനയിലാണ്. എ ഐ സി സി ജനറല് സെക്രട്ടറി കെ സി വേണുഗോപാൽ, പ്രതിപക്ഷ നേതാവ് വിഡി സതീശന്, കെ പി സി സി പ്രസിഡന്റ് കെ സുധാകരന്, രമേശ് ചെന്നിത്തല തുടങ്ങിയവര് ചര്ച്ചയുടെ ഭാഗമായി.
