വിമാനങ്ങള്ക്കു നേരെയുള്ള വ്യാജബോംബ് ഭീഷണിയില് സാമൂഹികമാധ്യമങ്ങള്ക്ക് കര്ശനനിര്ദേശവുമായി കേന്ദ്രം. വ്യാജസന്ദേശങ്ങള് നിയന്ത്രിക്കാനുള്ള നടപടികള് സ്വീകരിക്കണമെന്നാണ് ഐടി മന്ത്രാലയത്തിന്റെ ഉത്തരവ്.തെറ്റായ സന്ദേശങ്ങള് ശ്രദ്ധയില്പ്പെട്ടാല് 72 മണിക്കൂറിനുള്ളില് അധികാരികളെ അറിയിക്കണമെന്നാണ് നിര്ദേശം. അത് അറിയിക്കാത്ത പക്ഷം ഐടി ആക്ട് പ്രകാരം കുറ്റകൃത്യമായി കണക്കാക്കുമെന്ന മുന്നറിയിപ്പും ഐടിമന്ത്രാലയം കമ്പനികള്ക്ക് നല്കിയിട്ടുണ്ട്.
