പാഴ്സല് ഭക്ഷണത്തിന്റെ കവറിന് പുറത്ത് തീയതിയും സമയവും ഉള്പ്പെട്ട ലേബലോ സ്റ്റിക്കറോ പതിക്കണമെന്ന നിയമം പാലിക്കുന്നുവെന്ന് ഉറപ്പു വരുത്താൻ, ഭക്ഷ്യ സുരക്ഷാ വകുപ്പ് സ്പെഷ്യല് ടാസ്ക് ഫോഴ്സിന്റെ നേതൃത്വത്തില് സംസ്ഥാന വ്യാപകമായി പരിശോധന നടത്തിയതായി ആരോഗ്യ വകുപ്പ് മന്ത്രി വീണാ ജോര്ജ്. 52 സ്ക്വാഡുകളുടെ നേതൃത്വത്തില് 791 സ്ഥാപനങ്ങളിൽ നടത്തിയ പരിശോധനയിൽ, നിയമം ലംഘിച്ച 114 സ്ഥാപനങ്ങള്ക്ക് പിഴ ഈടാക്കുന്നതിനുള്ള നോട്ടീസും 44 സ്ഥാപനങ്ങള്ക്ക് റെക്ടിഫിക്കേഷന് നോട്ടീസും നല്കി.ഗുരുതര നിയമ ലംഘനം കണ്ടെത്തിയ ആറ് സ്ഥാപനങ്ങളുടെ പ്രവര്ത്തനം നിര്ത്തിവയ്പ്പിച്ചു.പരിശോധനകള് തുടരുമെന്ന് മന്ത്രി വ്യക്തമാക്കി.
