ഫ്രഞ്ച് വാഹന ബ്രാന്‍ഡായ സിട്രോണ്‍ ഇന്ത്യ ഈ മാസം തങ്ങളുടെ കാറുകള്‍ക്ക് ലഭ്യമായ കിഴിവുകള്‍ പ്രഖ്യാപിച്ചു. 2024 ഫെബ്രുവരിയില്‍ സിട്രോണ്‍ അതിന്റെ കാറുകളിലൊന്നായ സിട്രോണ്‍ ഇ5 എയര്‍ക്രോസിന് വന്‍ കിഴിവ് വാഗ്ദാനം ചെയ്യുന്നു. സിട്രോണ്‍ ഇ5 എയര്‍ക്രോസ് ലക്ഷ്വറി എസ്യുവിയില്‍ ഉപഭോക്താക്കള്‍ക്ക് 3.50 ലക്ഷം രൂപ ക്യാഷ് കിഴിവ് കമ്പനി നല്‍കുന്നുവെന്ന് വി3കാര്‍സ് ഡോട്ട് കോം റിപ്പോര്‍ട്ട് ചെയ്യുന്നു. ഇതിന്റെ പ്രാരംഭ എക്സ്-ഷോറൂം വില ഏകദേശം 36.91 ലക്ഷം രൂപയാണ്. ഈ എസ്‌യുവിയെ കുറിച്ച് പറയുകയാണെങ്കില്‍, ഇതിന് രണ്ട് ലിറ്റര്‍ ഡീസല്‍ എഞ്ചിന്‍ ഉണ്ട്. ഇത് 177ബിഎച്പി പവറും 400എന്‍എം ടോര്‍ക്കും സൃഷ്ടിക്കുന്നു. എഞ്ചിനോടൊപ്പം 8 സ്പീഡ് ഓട്ടോമാറ്റിക് ഗിയര്‍ബോക്‌സും നല്‍കിയിട്ടുണ്ട്. ഇക്കോ, സ്പോര്‍ട്ട് എന്നീ രണ്ട് ഡ്രൈവ് മോഡുകളിലും ഒന്നിലധികം ട്രാക്ഷന്‍ കണ്‍ട്രോള്‍ മോഡുകളിലും ഇത് ലഭ്യമാണ്. 36.91 ലക്ഷം മുതല്‍ 37.67 ലക്ഷം വരെയാണ് ഇതിന്റെ എക്സ് ഷോറൂം വില. ഫീല്‍, ഷൈന്‍ എന്നീ രണ്ട് വേരിയന്റുകളില്‍ ഈ അഞ്ച് സീറ്റര്‍ കാര്‍ വാങ്ങാം.
