വയനാട്ടിൽ ജനവാസ മേഖലയിലേക്ക് ഇറങ്ങിയ കരടിയെ പടക്കം പൊട്ടിച്ച് കുറ്റിക്കാട്ടിൽ നിന്നും പുറത്ത് ചാടിച്ചു. തരുവണ കരിങ്ങാരിയിലെ നെൽപ്പാടത്തിനടുത്തുള്ള കുറ്റിക്കാട്ടിലാണ് കരടി ഒളിച്ചിരുന്നത്. പുറത്തു ചാടിയ കരടി തോട്ടത്തിലേക്ക് കയറിയിരിക്കുകയാണ്. തോട്ടത്തിൽ നിന്നും കരടിയെ പുറത്തിറക്കി മയക്കുവെടി വയ്ക്കുവാൻ ആണ് തീരുമാനം.വെറ്ററിനറി സംഘവും, ഡാര്‍ട്ട് സംഘവും സ്ഥലത്ത് എത്തിച്ചേർന്നിട്ടുണ്ട്. ഞായറാഴ്ച പുലർച്ചയോടെയാണ് കരടിയെ നാട്ടിൽ ഇറങ്ങിയതായി കണ്ടെത്തിയത്. ജനവാസ മേഖലയിലെ ഒരു വീടിന്റെ സിസിടിവിയിൽ നിന്നുമാണ് ദൃശ്യങ്ങൾ കണ്ടെത്തിയത്.