അവിശ്വാസ പ്രമേയ ചർച്ചയുടെ രണ്ടാം ദിനമായ ഇന്ന് സഭയിൽ സംസാരിച്ച രാഹുൽ ഗാന്ധി മണിപ്പൂർ വിഷയത്തിൽ പ്രധാനമന്ത്രിക്കും സർക്കാരിനുമെതിരെ അതിരൂക്ഷ വിമർശനം ഉയർത്തി. മണിപ്പൂരിൽ മാതാവും ഭാരതമാതാവും കൊലചെയ്യപ്പെട്ടുവെന്ന് രാഹുൽ ഗാന്ധി കുറ്റപ്പെടുത്തി.ഇന്ത്യയുടെ ശബ്ദം കേള്ക്കാന് മോദി തയ്യാറാകുന്നില്ലെന്നും , മണിപ്പൂര് ഹിന്ദുസ്ഥാനില് അല്ലെന്നാണ് മോദിയുടെ പക്ഷമെന്നും രാഹുല് ഗാന്ധി വിമര്ശിച്ചു. മണിപ്പൂരില് കൊല ചെയ്യപ്പെട്ടത് ഭാരത മാതാവാണ്,താന് മണിപ്പൂര് സന്ദര്ശിക്കുകയും ജനങ്ങളുമായി സംവദിക്കുകയും ചെയ്തു. എന്നാല് മോദി മണിപ്പൂരിലുള്ളവരോട് സംസാരിക്കാന് തയ്യാറാകുന്നില്ല. ഇന്ത്യയുടെ ശബ്ദം കേള്ക്കാന് തയ്യാറാകുന്നില്ല. പിന്നെ ആരുടെ ശബ്ദം കേള്ക്കുമെന്ന് മോദിയോട് രാഹുല് ചോദിച്ചു.
