വാഹനാപകട കേസില് ആറര കോടി രൂപ നഷ്ടപരിഹാരമായി വിധിച്ച് കേരള ഹൈക്കോടതി. 2013ല് പത്തനംതിട്ടയിലുണ്ടായ അപകടത്തില് നഴ്സും അച്ഛനും മരിച്ച കേസിൽ ആറര കോടി രൂപയാണ് നഷ്ടപരിഹാരം വിധിച്ചത്. പത്തനംതിട്ട മോട്ടോര് ആക്സിഡന്റ് ക്ലെയിം ട്രിബ്യൂണലിന്റെ ഉത്തരവിനെതിരെ നാഷണല് ഇന്ഷൂറന്സ് കമ്പനി നല്കിയ അപ്പീല് ഹർജി തള്ളിക്കൊണ്ടാണ് കേരളാ ഹൈക്കോടതിയുടെ വിധി.പതിനാറ് വര്ഷത്തെ ഓസ്ട്രേലിയന് ശമ്പളം നഷ്ടപരിഹാരമായി കണക്കാക്കി 73.68 ലക്ഷം രൂപയും 7 ശതമാനം പലിശയും അധികമായി നല്കാന് ഹൈക്കോടതി ഉത്തരവിട്ടു. ഹര്ജി നല്കിയ കക്ഷികളുടെ ചെലവും ഇന്ഷൂറന്സ് കമ്പനിയില് നിന്ന് ഈടാക്കാന് ഉത്തരവിട്ടു. ഇതോടെയാണ് നഷ്ടപരിഹാരത്തുക 6.5 കോടിയായി ഉയര്ന്നത്.
