ആവേശം, മഞ്ഞുമ്മല് ബോയ്സ് എന്നീ ചിത്രങ്ങളിലെ സംഗീതം ഗ്രാമി പുരസ്കാരത്തിന് പരിഗണിക്കുന്നതിനായി സമര്പ്പിച്ച വിവരം പങ്കുവച്ച് സംഗീത സംവിധായകന് സുഷിന് ശ്യാം. വിഷ്വല് മീഡിയ വിഭാഗത്തിലെ ബെസ്റ്റ് സ്കോര് സൗണ്ട് ട്രാക്കിനായി മഞ്ഞുമ്മല് ബോയ്സിലെ സംഗീതവും ബെസ്റ്റ് കംപൈലേഷന് സൗണ്ട്ട്രാക്ക് വിഭാഗത്തിലേക്ക് ആവേശത്തിലെ സംഗീതവുമാണ് അയച്ചത്. ഒപ്പം ഇരുസിനിമകള്ക്കും സുഷിന് നല്കിയ പശ്ചാത്തല സംഗീതവും ഏറെ ശ്രദ്ധ നേടിയിരുന്നു.റഷ്യയിലെ കിനോബ്രാവോ അന്തര്ദേശീയ ചലച്ചിത്രമേളയില് ബെസ്റ്റ് ഫിലിം മ്യൂസിക് വിഭാഗത്തില് മഞ്ഞുമ്മല് ബോയ്സ് പുരസ്കാരം സ്വന്തമാക്കിയിരുന്നു. മത്സരവിഭാഗത്തില് പ്രദര്ശിപ്പിച്ച ഏക ഇന്ത്യന് ചിത്രമായിരുന്നു മഞ്ഞുമ്മല് ബോയ്സ്. നിലവില് ബോഗയ്ന്വില്ലയാണ് സുഷിന്റേതായി റിലീസിന് ഒരുങ്ങുന്ന ചിത്രം. സുഷിന് സംഗീതം നല്കിയ ‘സ്തുതി’, ‘മറവികളെ’ എന്നീ രണ്ട് ഗാനങ്ങളും ഹിറ്റ് ചാര്ട്ടില് ഇടം നേടി കഴിഞ്ഞു.