ടാറ്റ മോട്ടോഴ്സിന്റെ പഞ്ച് ശ്രേണിയിലെ എല്ലാ മോഡലുകള്ക്കും കമ്പനി വില വര്ധിപ്പിച്ചു. തിരഞ്ഞെടുത്ത വേരിയന്റുകള്ക്ക് 20,000 രൂപ വരെയാണ് വില വര്ധിച്ചിരിക്കുന്നത്. പെട്രോള് എന്ജിനുള്ള ടാറ്റ പഞ്ചിന്റെ വിവിധ വേരിയന്റുകള്ക്ക് 5,000 രൂപ മുതല് 10,000 രൂപ വരെയാണ് വില വര്ധിപ്പിച്ചിരിക്കുന്നത്. വില പരിഷ്കരണത്തിന് ശേഷം കോംപാക്ട് എസ്യുവിയുടെ എക്സ്-ഷോറൂം വില 5.75 ലക്ഷം രൂപയില് ആരംഭിച്ച് ഉയര്ന്ന വേരിയന്റിന് 10.77 ലക്ഷം രൂപ വരെ എത്തും. 30 കിലോവാട്ട്-അവര് ബാറ്ററിയുള്ള സ്മാര്ട്ട്, സ്മാര്ട്ട് പ്ലസ് വേരിയന്റുകള്ക്ക് 10,000 രൂപയാണ് വില വര്ധിച്ചത്. അതേസമയം 40 കിലോവാട്ട്-അവര് ബാറ്ററിയുള്ള സ്മാര്ട്ട്, സ്മാര്ട്ട് പ്ലസ്, അഡ്വഞ്ചര്, എംപവേര്ഡ്, എംപവേര്ഡ് പ്ലസ് എസ് വേരിയന്റുകള്ക്ക് 20,000 രൂപ വീതം വില കൂടി. വില പരിഷ്കരണത്തിന് ശേഷം ടാറ്റ പഞ്ച് ഇവിയുടെ എക്സ്-ഷോറൂം വില 9.79 ലക്ഷം രൂപ മുതല് 12.99 ലക്ഷം രൂപ വരെയാണ്. വില വര്ധിപ്പിച്ചെങ്കിലും പഞ്ചിലോ പഞ്ച് ഇവിയിലോ പ്രധാന ഫീച്ചറുകളിലോ മെക്കാനിക്കല് സംവിധാനങ്ങളിലോ മാറ്റങ്ങളൊന്നും വരുത്തിയിട്ടില്ലെന്നതാണ് ശ്രദ്ധേയം.