യൂട്യൂബില് 1.2 മില്യണ് കാഴ്ച കടന്ന് മമ്മൂട്ടി ചിത്രം ‘പദയാത്ര’ ട്രെയ്ലര്. 32 വര്ഷങ്ങള്ക്ക് ശേഷം അടൂര് ഗോപാലകൃഷ്ണന്റെ സംവിധാനത്തില് മമ്മൂട്ടി അഭിനയിക്കുന്ന ചിത്രമാണിത്. മമ്മൂട്ടി കമ്പനിയുടെ ബാനറില് മമ്മൂട്ടിയാണ് ചിത്രത്തിന്റെ നിര്മ്മാണം. മമ്മൂട്ടി കമ്പനിയുടെ എട്ടാമത്തെ ചിത്രമായി ഒരുക്കുന്ന പദയാത്രയുടെ പോസ്റ്റ് പ്രൊഡക്ഷന് ജോലികള് പുരോഗമിക്കുകയാണ്. അടൂര് ഗോപാലകൃഷ്ണന്, കെ വി മോഹന്കുമാര് എന്നിവര് ചേര്ന്നാണ് ചിത്രത്തിന്റെ കഥ, തിരക്കഥ, സംഭാഷണം എന്നിവ രചിച്ചത്. ദുല്ഖര് സല്മാന്റെ വേഫെറര് ഫിലിംസ് ആണ് ചിത്രം കേരളത്തില് പ്രദര്ശനത്തിന് എത്തിക്കുക. ഡോക്ടര് കഥാപാത്രമായി മമ്മൂട്ടിയെത്തുന്ന ചിത്രം, ഒരു പീരിയഡ് ഡ്രാമ ആയാണ് ഒരുക്കിയിരിക്കുന്നത്. ഇന്ദ്രന്സ്, ഗ്രേസ് ആന്റണി എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. അലിയാര്, ശ്രീഷ്മ ചന്ദ്രന്, അലന്സിയര് ലേ ലോപ്പസ്, മധുപാല്, നന്ദു, പി ശ്രീകുമാര്, ജഗദീഷ്, സീനത്ത് എന്നിവരാണ് മറ്റ് താരങ്ങള്.
