സിബിഐ ഉദ്യോഗസ്ഥൻ ചമഞ്ഞ് സംഗീത സംവിധായകൻ ജെറി അമല് ദേവിൽ നിന്ന് പണം തട്ടാൻ ശ്രമം. സിബിഐ രജിസ്റ്റര് ചെയ്ത ഒരു കേസിൽ പ്രതിയാക്കി അറസ്റ്റ് ചെയ്യുമെന്ന് ഭീഷണിപ്പെടുത്തിയാണ് തട്ടിപ്പ് സംഘം സമീപിച്ചതെന്ന് ജെറി അമല് ദേവ് പറഞ്ഞു. ബോംബെയിലെ ധാരാവിയിൽ നിന്നാണ് വിളിക്കുന്നതെന്നും 1,70000 രൂപ അക്കൗണ്ടിലേക്ക് അയക്കാനും ആവശ്യപ്പെട്ടുവെന്നും,സിബിഐ സംഘമാണെന്ന തരത്തിൽ തന്നെയാണ് അവര് സംസാരിച്ചതെന്നും അദ്ദേഹം പറഞ്ഞു. പണം പിൻവലിക്കാനായി ബാങ്കിൽ എത്തിയപ്പോഴാണ് തട്ടിപ്പ് മനസിലായതെന്നും ഇതോടെ പണം നല്കിയില്ലെന്നും ജെറി പറഞ്ഞു. സംഭവത്തില് എറണാകുളം നോര്ത്ത് പൊലീസിൽ ജെറി പരാതി നല്കി.