634 ദിവസങ്ങള്‍ നീണ്ട മാരകമായ കൂരിരുള്‍കൊണ്ട് ആധുനിക ഇന്ത്യാചരിത്രത്തെ രണ്ടു കാലഘട്ടമായി നെടുകെ പിളര്‍ത്തിയ കുപ്രസിദ്ധമായ അടിയന്തരാവസ്ഥയുടെ ഓരോ തുടിപ്പും നിലവിളിയും ആക്രോശങ്ങളും എല്ലാ വരികളിലും നിറഞ്ഞുനില്‍ക്കുന്ന പുസ്തകം. അധികാരം നിലനിര്‍ത്തുന്നതിന് ഇന്ത്യയെ തീരാക്കളങ്കത്തിലേക്ക് എടുത്തെറിഞ്ഞവരും ഉപജാപകരും പുതിയ പുതിയ രൂപങ്ങളില്‍ വിശ്വാസത്തിന്റെയും വസ്ത്രധാരണത്തിന്റെയും ഭക്ഷണത്തിന്റെയും പൗരത്വത്തിന്റെയുമെല്ലാമെല്ലാം പേരില്‍ ജനങ്ങളെ ഭിന്നിപ്പിച്ചും വെറുപ്പുപടര്‍ത്തിയും അപ്രഖ്യാപിത അടിയന്തരാവസ്ഥ തുടര്‍ന്നുെകാണ്ടിരിക്കുന്ന എക്കാലത്തും ഈ പുസ്തകം പ്രസക്തമായിരിക്കും. ആര്‍.കെ. ബിജുരാജിന്റെ ഏറ്റവും പുതിയ ചരിത്ര/പഠന പുസ്തകം. ‘634 ദിനങ്ങള്‍: അടിയന്തരാവസ്ഥയുടെ ചരിത്രം’. മാതൃഭൂമി. വില 416 രൂപ.
