ബ്രസീല് ഫുട്ബോള് ഇതിഹാസം പെലെയെ വീണ്ടും ആശുപത്രിയില് പ്രവേശിപ്പിച്ചു. ക്യാന്സറിന് ചികിത്സയില് കഴിയുന്ന പെലെയെ ഹൃദയസംബന്ധമായ പ്രശ്നങ്ങളും അലട്ടുന്നുവെന്നാണ് റിപ്പോര്ട്ട്. ശരീരത്തില് മുഴുവന് നീര്വീക്കം അനുഭവപ്പെട്ടതിനെത്തുടര്ന്നാണ് പെലെയെ അടിയന്തരമായി സാവോപോളോയിലെ ആല്ബര്ട്ട് ഐന്സ്റ്റീന് ആശുപത്രിയിലേക്ക് മാറ്റിയത്. വന്കുടലിലെ ക്യാന്സറിന് ചികിത്സ തേടുന്ന 82കാരനായ പെലെ ദീര്ഘനാളായി ചികിത്സയിലാണ്. കഴിഞ്ഞ വര്ഷം സെപ്റ്റംബറില് വന്കുടലിലെ മുഴ നീക്കം ചെയ്തതിനെത്തുടര്ന്ന് പെലെ ദീര്ഘകാലം ആശുപത്രിയില് തുടര്ന്നിരുന്നു. അതിനുശേഷം കീമോതെറാപ്പിക്കും വിധേയനായി.
