പ്രധാനമന്ത്രി നരേന്ദ്ര മോദി അബുദാബിയിലെ സായിദ് സ്പോര്ട്സ് സിറ്റി സ്റ്റേഡിയത്തിൽ ഫെബ്രുവരി13 ന് പ്രവാസി സമൂഹത്തെ അഭിസംബോധന ചെയ്യുന്ന പരിപാടിയായ അഹ്ലന് മോദിക്ക് വൻ രജിസ്ട്രേഷനെന്ന് സംഘാടകര്. ഇതുവരെ 20,000ലേറെ ആളുകൾ രജിസ്റ്റർ ചെയ്തിട്ടുണ്ടെന്നും, പ്രധാനമന്ത്രി മോദിക്കുള്ള പ്രവാസി സമൂഹത്തിന്റെ ഏറ്റവും വലിയ സ്വീകരണമാണ് പരിപാടിയെന്നുമാണ് റിപ്പോർട്ടുകൾ. അതോടൊപ്പം അബുദാബിയിലെ ആദ്യത്തെ പരമ്പരാഗത ഹിന്ദു ശിലാക്ഷേത്രമായ ബാപ്സ് ഹിന്ദു മന്ദിറിന്റെ ഉദ്ഘാടനം ഫെബ്രുവരി 14 ന് മോദി ഉദ്ഘാടനം ചെയ്യും. അക്ഷർധാം മാതൃകയിലുള്ള, മധ്യപൂർവദേശത്തെ ഏറ്റവും വലിയ ക്ഷേത്രമാണ് ബാപ്സ് ഹിന്ദു മന്ദിർ.