മുഖ്യമന്ത്രിയുടെ ദുരിതാശ്വാസനിധി വകമാറ്റിയെന്ന കേസിലെ റിവ്യൂ ഹർജി ലോകായുക്ത നാളെ പരിഗണിക്കും. കേസിൽ ഭിന്നവിധി പറഞ്ഞ ഡിവിഷൻ ബെഞ്ചാണ് ഹർജി പരിഗണിക്കുന്നത്. ഫുൾ ബെഞ്ച് കേസ് മറ്റന്നാൾ പരിഗണിക്കും.വാദം പൂര്ത്തിയായി ഒരു വര്ഷം കഴിഞ്ഞിട്ടും വിധി പറയാത്തതിനെ തുടര്ന്ന് പരാതിക്കാരന് ആര്.എസ് ശശികുമാര് ഹൈക്കോടതിയെ സമീപിച്ചു. ഏപ്രില് 16 ന് മുന്പ് കേസ് പരിഗണിക്കണമെന്ന നിര്ദേശം ഹൈക്കോടതി നല്കിയതോടെ മാര്ച്ച് 31ന് ലോകായുക്ത വിധി പറയാന് തീരുമാനിച്ചു. ലോകായുക്ത ജസ്റ്റിസ് സിറിയക് ജോസഫും ഉപലോകായുക്ത ജസ്റ്റിസ് ഹാറൂൺ റഷീദും ഉൾപ്പെട്ട ബെഞ്ച് ഭിന്നവിധിയാണ് പുറപ്പെടുവിച്ചത്. തുടര്ന്ന് പരാതിക്കാരന് ആര്.എസ് ശശികുമാര് പുനപ്പരിശോധനാ ഹർജി നല്കി. ഇതാണ് ഡിവിഷന് ബെഞ്ച് നാളെ പരിഗണിക്കുന്നത്.
