ഹൈക്കോടതി ഉത്തരവിനെതിരെ സര്ക്കാര് സുപ്രീം കോടതിയിൽ അപ്പീൽ നൽകി . യാക്കോബായ ഓർത്തഡോക്സ് പള്ളി തര്ക്കത്തിലുള്ള ആറ് പള്ളികള് ഏറ്റെടുക്കണമെന്ന ഉത്തരവിനെതിരെയാണ് സര്ക്കാര് സുപ്രീം കോടതിയെ സമീപിച്ചത്. പള്ളികള് ഏറ്റെടുക്കുന്ന ഉത്തരവ് നടപ്പാക്കാൻ സാവകാശം തേടിയാണ് അപ്പീൽ. ഏറ്റെടുക്കുന്നതിൽ ക്രമസമാധാന പ്രശ്നമുണ്ടെന്നും സര്ക്കാര് അപ്പീലിൽ വ്യക്തമാക്കി. ഇതുമായി ബന്ധപ്പെട്ട് കോടതിയലക്ഷ്യ നടപടി സ്റ്റേ ചെയ്യണമെന്നും സര്ക്കാര് ആവശ്യപ്പെട്ടു. ഹൈക്കോടതി ഡിവിഷന് ബെഞ്ച് വിധിക്കെതിരെ യാക്കോബായ സഭയും അപ്പീല് നല്കിയിട്ടുണ്ട്. തങ്ങളുടെ ഭാഗം കേള്ക്കാതെ തീരുമാനമെടുക്കരുതെന്ന് ഓര്ത്തഡോക്സ് സഭ തടസ ഹര്ജിയും നല്കി. ഉത്തരവ് നടപ്പാക്കാത്തതിൽ സംസ്ഥാന സർക്കാരിനെതിരെ ഹൈക്കോടതി കഴിഞ്ഞ ദിവസം കോടതിയലക്ഷ്യ നടപടികള് ആരംഭിച്ചിരുന്നു
