രണ്ടു ദിവസത്തെ അനുഭവങ്ങളെ തുടർന്ന് ഇന്ന് മുതല് ഓരോ കേന്ദ്രത്തിലും നവകേരള സദസ്സിന്റെ വേദികളോടനുബന്ധിച്ച് നിവേദനങ്ങളും പരാതികളും സ്വീകരിക്കുന്ന ഇരുപതു കൗണ്ടറുകള് പ്രവര്ത്തിക്കും. സമയ പരിമിതി മൂലമാണ് നവകേരള സദസ്സില് പരാതി നേരിട്ട് സ്വീകരിക്കാത്തതെന്നും മുഖ്യമന്ത്രി പിണറായി വിജയൻ. മുതിര്ന്ന പൗരന്മാര്, ഭിന്നശേഷിക്കാര്, സ്ത്രീകള് എന്നിവര്ക്ക് പ്രത്യേകം കൗണ്ടറുകള് ഒരുക്കിയിട്ടുണ്ട്. നിവേദനങ്ങളുടെയും പരാതികളുടെയും സ്ഥിതി www.navakeralasadas.kerala.gov.in എന്ന വെബ്സൈറ്റില് നിന്ന് അറിയാനാകും.
