കഴിഞ്ഞ പന്ത്രണ്ടാം തീയതി പുലർച്ചയായിരുന്നു എറണാകുളം മാർക്കറ്റിൽ ഉള്ള കടവുംഭാഗം സിനഗോഗിന് മുൻപിൽ തീയിട്ടത്. പിടിയിലായ പുത്തൻകുരിശ് സ്വദേശി എബിൻ പോളിന്റെ ഫോണിലെ വിവരങ്ങൾ പരിശോധിച്ചപ്പോഴാണ് തീവ്രവാദ ബന്ധം ഉൾപ്പെടെ സംശയം ഉയർന്നത്. ബോസ് എന്ന അജ്ഞാത ചാറ്റിന്റെ നിർദ്ദേശ പ്രകാരമാണ് ഇയാൾ ആക്രമണം നടത്തിയതെന്നും ആക്രമണം ദൃശ്യങ്ങൾ അയച്ചു കൊടുത്ത ശേഷം പണം ലഭിച്ചെന്നും കണ്ടെത്തി. പിന്നാലെ ദേശീയ അന്വേഷണ ഏജൻസിയും ഐബിയും വിവരങ്ങൾ ശേഖരിച്ചു.