അര്ജന്റീന ടീമിനെ കേരളത്തിലെത്തിക്കുന്നതില് കരാര് ലംഘനമുണ്ടായത് കേരള സര്ക്കാരിന്റെ ഭാഗഗത്തു നിന്നാണെന്ന് അര്ജന്റീന ഫുട്ബോള് അസോസിയേഷന് മാര്ക്കറ്റിംഗ് വിഭാഗം മേധാവി ലിയാന്ഡ്രോ പീറ്റേഴ്സണ്. നേരത്തെ കരാര് ലംഘനം നടത്തിയത് എഎഫ്എ ആണെന്നും ടീമിനെ കേരളത്തിലെത്തിക്കാനായി എഎഫ്എ ആവശ്യപ്പെട്ട 130 കോടി രൂപ ജൂണ് ആറിന് തന്നെ കൈമാറിയെന്നും കേരളത്തിലെ സ്പോണ്സര് വാര്ത്താ സമ്മേളനത്തില് പറഞ്ഞിരുന്നു. അര്ജന്റീന ടീമോ സൂപ്പര് താരം ലിയോണല് മെസിയോ ഇന്ത്യയില് എവിടെ കളിക്കണമെങ്കിലും ഇനി തങ്ങളുടെ അനുമതിയോടെ മാത്രമെ കഴിയൂവെന്നും കരാറുണ്ടാക്കിയത് തങ്ങളുമായാണെന്നും സ്പോണ്സര് പറഞ്ഞിരുന്നു.
