പ്രമുഖ മോട്ടോര്‍സൈക്കിള്‍ ബ്രാന്‍ഡായ യെസ്ഡിയുടെ 2026 ശ്രേണി ഇന്ത്യയില്‍ അവതരിപ്പിച്ചു. അഡ്വഞ്ചര്‍, റോഡ്സ്റ്റര്‍, സ്‌ക്രാംബ്ലര്‍ എന്നി മോഡലുകളുടെ അപ്ഡേറ്റ് ചെയ്ത പതിപ്പുകളാണ് വിപണിയില്‍ അവതരിപ്പിച്ചത്. മുന്‍ പതിപ്പുകളെ അപേക്ഷിച്ച് ഏറ്റവുമധികം മാറ്റം അഡ്വഞ്ചറിനാണ്. ട്യൂബ് ലെസ് ക്രോസ് സ്പോക്ക് വീലുകളാണ് വാഹനത്തിന്റെ പ്രധാന ആകര്‍ഷണം. പുതിയ ഗ്രാഫിക്സുകളോട് കൂടിയ യെല്ലോ ഫാല്‍ക്കണ്‍ കളര്‍ ഓപ്ഷനും ഇതിന് നല്‍കിയിട്ടുണ്ട്. നിലവിലുള്ള ടോര്‍നാഡോ ബ്ലാക്ക്, ഗ്ലോസ് വൈറ്റ്, നെബുല ബ്ലൂ എന്നി കളറുകളിലും അഡ്വഞ്ചര്‍ ലഭിക്കും. യെസ്ഡി റോഡ്സ്റ്ററിന് കോപ്പര്‍ ഗ്രാഫിക്സും ബ്രൗണ്‍ സീറ്റുമുള്ള പുതിയ ഗ്രീന്‍ മാംബ കളര്‍ ഓപ്ഷനാണ് ലഭിച്ചിരിക്കുന്നത്. യെസ്ഡി സ്‌ക്രാംബ്ലറിന് ബ്രൗണ്‍ റിബ്ഡ് സീറ്റുകളും ഇതിന് മാച്ച് ചെയ്യുന്ന ടാങ്ക് പാഡുകളുമുള്ള പുതിയ ഗ്രേ പന്തര്‍ കളര്‍ സ്‌കീം ലഭിച്ചിട്ടുണ്ട്. യെസ്ഡി അഡ്വഞ്ചറിന് 2.12 ലക്ഷം രൂപ മുതല്‍ 2.32 രൂപ വരെയാണ് വില. റോഡ്സറ്ററിന് 2.05 ലക്ഷവും സ്‌ക്രാംബ്ലറിന് 2.05 ലക്ഷം രൂപയുമാണ് വില. ഇത് എക്സ് ഷോറൂം വിലയാണ്.