ലക്നൗ അതിരൂപതയിൽ പ്രവര്ത്തിക്കുന്ന മംഗലാപുരം സ്വദേശിയായ ഫാദർ ഡൊമിനിക് പിന്റുവും അഞ്ച് പ്രൊട്ടസ്റ്റന്റ് പാസ്റ്റര്മാരും പിടിയിലായി. മതപരിവര്ത്തനം സംബന്ധിച്ച കേസിൽ 15 പേരെയാണ് പ്രതിചേർത്തിരിക്കുന്നതെന്നും പത്ത് പേര് പിടിയിലായതായും പൊലീസ് അഡീഷണല് സൂപ്രണ്ട് എസ്.എൻ സിൻഹ പറഞ്ഞു. ഛക്കർ ഗ്രാമത്തിലെ ഗ്രാമീണരെ വലിയ തോതിൽ മതം മാറ്റുന്നതായി ആരോപിച്ച് വിശ്വ ഹിന്ദു പരിഷത്ത് ജില്ലാ പ്രസിഡന്റ് ബ്രിജേഷ് കുമാറാണ് നൽകിയ പരാതിയിലാണ് അറസ്റ്റ്. എന്നാൽ ആരോപണം വാസ്തവ വിരുദ്ധമാണെന്ന് ലക്നൗ രൂപത ചാൻസലറും വക്താവുമായ ഫാദർ ഡൊണാൾഡ് ഡിസൂസ പറഞ്ഞു.
