കേരളം ഭരിക്കുന്നവരുടെ ദുഷ്ചെയ്തി കൊണ്ട് കേന്ദ്ര പദ്ധതികളിൽ ഗുണഭോക്താക്കളുടെ കണക്കെടുത്താൽ കേരളം നാണിച്ച് തല കുനിക്കേണ്ടി വരുമെന്ന് നടനും ബിജെപി നേതാവുമായ സുരേഷ് ഗോപി. ബിജെപിയോട് വലിയ എതിര്പ്പുള്ള ഡിഎംകെ ഭരിക്കുന്ന തമിഴ്നാട്ടിൽ കേന്ദ്ര പദ്ധതികള് എത്രപേരിലേക്ക് എത്തിയെന്ന കണക്കെടുക്കണം. ഇവിടെ ഉദ്യോഗസ്ഥരുടെയും ഭരണകര്ത്താക്കളുടെയും ദുഷ് ചെയ്തിമൂലം അര്ഹര്ക്ക് പദ്ധതികളെക്കുറിച്ച് പോലും അറിയാനാകാത്ത അവസ്ഥയാണുള്ളത്. അതോടൊപ്പം മികച്ച രീതിയിൽ വികസിത് ഭാരത് സങ്കൽപ്പ് യാത്ര നടത്തുന്ന ജില്ലകൾക്ക് തന്റെ മകളുടെ പേരിൽ പുരസ്കാരം നൽകുമെന്നും സുരേഷ് ഗോപി പറഞ്ഞു.
