എൽഡിഎഫ് സ്ഥാനാർത്ഥി ഡോ.പി.സരിന് സ്റ്റെതസ്കോപ്പ് ചിഹ്നം അനുവദിച്ചു. ഡോക്ടറും മുൻ സിവിൽ സർവീസ് ഉദ്യോഗസ്ഥനുമായ സരിൻ ഓട്ടോറിക്ഷ ചിഹ്നത്തിനാണ് പ്രഥമ പരിഗണന നൽകിയത്. എന്നാൽ രണ്ട് സ്വതന്ത്ര സ്ഥാനാർത്ഥികൾ ഓട്ടോറിക്ഷ ചിഹ്നം ആവശ്യപ്പെട്ടതോടെ മൂന്ന് പേർക്കുമായി നറുക്കെടുപ്പ് നടത്തി. ഇതിൽ സരിന് സ്റ്റെതസ്കോപ്പാണ് ചിഹ്നമായി കിട്ടിയത്. അന്തിമ പട്ടികയായപ്പോൾ ആർ രാഹുൽ എന്ന് പേരായ രണ്ട് പേരടക്കം പാലക്കാട് 10 സ്ഥാനാർത്ഥികളാണ് ഉള്ളത്. സ്വതന്ത്ര സ്ഥാനാര്ത്ഥിയായ രമേഷ് കുമാര് പത്രിക പിൻവലിക്കാനുള്ള അവസാന ദിവസമായ ഇന്ന് മത്സരത്തിൽ നിന്ന് പിന്മാറി. കെ. ബിനുമോള് (സി.പി.ഐ.എം) നേരത്തെ പത്രിക പിന്വലിച്ചിരുന്നു.
