മുപ്പത് തദ്ദേശ വാര്ഡുകളിലെ ഉപതിരഞ്ഞെടുപ്പ് ഫെബ്രുവരി 24ന് നടത്തുമെന്ന് സംസ്ഥാന തെരഞ്ഞെടുപ്പ് കമ്മീഷണര് എ ഷാജഹാന് അറിയിച്ചു. വയനാട് ഒഴികെയുള്ള 13 ജില്ലകളിലായി ഒരു കോര്പ്പറേഷന്വാര്ഡ്, രണ്ട് ബ്ലോക്ക് പഞ്ചായത്ത് വാര്ഡുകള്, മൂന്ന് മുനിസിപ്പാലിറ്റി വാര്ഡുകള്, 24 ഗ്രാമപഞ്ചായത്ത് വാര്ഡുകള് എന്നിവയിലേയ്ക്കാണ് ഉപതിരഞ്ഞെടുപ്പ്. വിജ്ഞാപനം നാളെ പുറപ്പെടുവിക്കും. നാമനിര്ദേശ പത്രിക ഫെബ്രുവരി ആറ് വരെ സമര്പ്പിക്കാം. സൂക്ഷ്മപരിശോധന ഫെബ്രുവരി ഏഴിന് വിവിധ കേന്ദ്രങ്ങളില് വച്ച് നടത്തും. സ്ഥാനാര്ത്ഥിത്വം പിന്വലിക്കുന്നതിനുള്ള അവസാന തീയതി ഫെബ്രുവരി 10 ആണ്. വോട്ടെടുപ്പ് ഫെബ്രുവരി 24ന് രാവിലെ ഏഴ് മണി മുതല് വൈകുന്നേരം ആറ് വരെയാണ്. വോട്ടെണ്ണല് ഫെബ്രുവരി 25ന് .
