അധ്യാപക നിയമനവുമായി ബന്ധപ്പെട്ട് വണ്ടൂര് എഇഒയും മലപ്പുറം വിദ്യാഭ്യാസ ഉപഡയറക്ടറും നടത്തിയ അന്വേഷണത്തിൽ മലപ്പുറം കരുവാരക്കുണ്ട് ഡിഎന്ഒ യുപി സ്കൂളില് ചട്ടവിരുദ്ധ നിയമനങ്ങള്ക്കായി മാനേജ്മെന്റിന്റെ നേതൃത്വത്തില് വന് ക്രമക്കേട് നടത്തിയെന്ന കണ്ടെത്തലിൽ നടപടി എടുക്കരുതെന്ന് സമസ്ത നേതൃത്വം. അധ്യാപകരായ ഒ സുലാഫ, നിഷാത്ത് സുല്ത്താന, സി റെയ്ഹാനത്ത് സ്കൂള് മാനേജര് എന് കെ അബ്ദുറഹ്മാന് എന്നിവര്ക്കെതിരെയാണ് മലപ്പുറം ഡി ഡി ഇയുടെ അന്വേഷണ റിപ്പോര്ട്ട്. വ്യാജ രേഖയുണ്ടാക്കി അധ്യാപകര് ചെയ്യാത്ത ജോലിക്ക് ഒരു കോടിയോളം രൂപ കൈപ്പറ്റിയെന്നാണ് കണ്ടെത്തൽ.
