സിനിമ കോണ്ക്ലേവിൽ ചര്ച്ച ചെയ്യുന്നത് ഹേമ കമ്മിറ്റി റിപ്പോര്ട്ട് മാത്രമല്ലെന്നും, കോണ്ക്ലേവുമായി സര്ക്കാര് മുന്നോട്ടുപോവുമെന്നും മന്ത്രി സജി ചെറിയാൻ. ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെ സര്ക്കാര് നടത്തുന്ന സിനിമ കോണ്ക്ലേവിനെതിരെ നടി പാര്വതി തിരുവോത്ത് വിമര്ശനം ഉന്നയിച്ചിരുന്നു. ഇരകളെയും വേട്ടക്കാരെയും ഒരുമിച്ചിരുത്തിയാണ് കോണ്ക്ലേവെന്ന വിമര്ശനമാണ് പാര്വതി തിരുവോത്ത് നടത്തിയത്. സിനിമാ മേഖലയിലെ ഭാവി നയം രൂപീകരിക്കാനുള്ള ദേശീയ കോൺക്ലേവ് ആണ് നടത്തുന്നതെന്നും, വിവിധ സംഘടനാ പ്രതിനിധികളാണ് കോണ്ക്ലേവിൽ പങ്കെടുക്കുന്നതെന്നും മന്ത്രി വ്യക്തമാക്കി.
