തൃശൂരിൽ അപകടത്തില് തകര്ന്ന ശക്തൻ തമ്പുരാന്റെ പ്രതിമ ഗതാഗത വകുപ്പ് പുനഃസ്ഥാപിക്കുമെന്ന് റവന്യൂ മന്ത്രി കെ രാജൻ അറിയിച്ചു. ഗതാഗത മന്ത്രി കെ ബി ഗണേഷ് കുമാർ ഇക്കാര്യം ഫോണിലൂടെ അറിയിച്ചിട്ടുണ്ട്. പ്രതിമ പുനര് നിര്മ്മിക്കുന്നതിനുള്ള ചെലവ് കെഎസ്ആര്ടിസി വഹിക്കുമെന്ന് ഉറപ്പ് ലഭിച്ചതായി റവന്യൂ മന്ത്രി പറഞ്ഞു. ശക്തന് നഗറില് പുലര്ച്ചെ മൂന്ന് മണിക്ക് കെഎസ്ആർടിസി ബസ് ഇടിച്ചു കയറിയാണ് ശക്തൻ തമ്പുരാന്റെ പ്രതിമ തകര്ന്നത്. അപകടത്തില് മൂന്ന് പേർക്ക് പരിക്കേറ്റിരുന്നു.
