ഉദ്യോഗസ്ഥരുടെ പ്രത്യേക യോഗം ചേർന്ന ശേഷം മൂന്നാറില് ജനവാസമേഖലയിലിറങ്ങി നാശമുണ്ടാക്കുന്ന പടയപ്പ എന്ന കാട്ടാനയെ ഉള്കാട്ടിലേക്ക് തുരത്താൻ ഹൈറേഞ്ച് സിസിഎഫ് ആര് എസ് അരുൺ നിര്ദ്ദേശം നല്കി. തല്കാലം മയക്കുവെടി വെച്ച് പിടികൂടേണ്ടതില്ലെന്നാണ് തീരുമാനം. ഡ്രോണ് ഉപയോഗിച്ച് പടയപ്പയെ നിരീക്ഷിക്കും തുടർന്ന് ഉള്കാട്ടിലേക്ക് കൊണ്ടുവിടാന് സാധിക്കുന്ന പ്രദേശത്തെത്തിയാല് തുരത്താനാണ് നീക്കം. തീറ്റയും വെള്ളവും ലഭിക്കാത്തതിനാലാണ് ആന ജനവാസമേഖലയിലെത്തുന്നതെന്നാണ് വനംവകുപ്പിന്റെ നിഗമനം. അതിനാൽ തീറ്റയും വെള്ളവുമുള്ള ഉള്കാട്ടിലെത്തിച്ച് തിരികെ വരാതെ നോക്കാനാണ് ശ്രമം.
