ഇരുപതാം നൂറ്റാണ്ട് കണ്ട വിശ്വമഹാകവികളില്‍ പ്രധാനിയാണ് ഖലീല്‍ ജിബ്രാന്‍. മലയാളത്തില്‍ അദ്ദേഹത്തിന്റെ രചനകള്‍ സുപരിചിതമാണെങ്കിലും ഉദാത്തമായ ആ ജീവിതം വേണ്ടത്ര അറിയപ്പെട്ടിട്ടില്ല. ‘നിത്യാനുരാഗി’ എന്ന ഈ ലഘുനോവലിലൂടെ അദ്ദേഹത്തിന്റെ സംഘര്‍ഷഭരിതമായ ഭൗതികജീവിതം ഒരു കുഞ്ഞുചിമിഴിലൂടെ എന്ന പോലെ അവതരിപ്പിക്കപ്പെടുന്നു. ജിബ്രാന്റെ പല രചനകളും വിവര്‍ത്തനം ചെയ്തിട്ടുള്ള വേണു വി ദേശമാണ് ജീവചരിത്രപരമായ ഈ നോവല്‍ രചിച്ചിട്ടുള്ളത്. ‘നിത്യാനുരാഗി’. വേണു വി ദേശം. ഒലീവ് പബ്‌ളിക്കേഷന്‍സ്. വില 166 രൂപ.