മൂവാറ്റപുഴയില് 8 പേരെ ആക്രമിച്ച നായയ്ക്ക് പേവിഷബാധ സ്ഥിരീകരിച്ചതിനെ തുടർന്ന് തെരുവുനായ്ക്കള്ക്ക് വാക്സിനേഷൻ നല്കുന്ന പ്രതിരോധ പ്രവർത്തനങ്ങളുമായി മൂവാറ്റുപുഴ നഗരസഭ. നാല് വാർഡുകളിൽ നിന്നായി പിടികൂടുന്ന നായ്ക്കളെ നിരീക്ഷണ കേന്ദ്രത്തിലേക്ക് മാറ്റും. കൂടാതെ നഗരസഭാ പരിധിയിലെ മുഴുവൻ നായ്ക്കൾക്കും വാക്സീൻ നല്കുമെന്ന് നഗരസഭ വ്യക്തമാക്കി. കൂടാതെ നായയുടെ കടിയേറ്റവര്ക്ക് ഇതിനോടകം രണ്ടു തവണ വാക്സിനേഷൻ നല്കിയിട്ടുള്ളതിനാൽ കടിയേറ്റവരും ആക്രമണമേറ്റവരും സുരക്ഷിതരാണെന്ന് നഗരസഭ അറിയിച്ചു.
