ആലപ്പുഴയിലെ രക്ഷാപ്രവർത്തന കേസ് അട്ടിമറിച്ച സംഭവത്തിൽ എഡിജിപി എം ആർ അജിത് കുമാറിൽ നിന്ന് ഡിജിപി വിശദീകരണം തേടും. വിശദീകരണം കിട്ടിയ ശേഷമാകും ഡിജിപി സർക്കാരിന് റിപ്പോർട്ട് നൽകുക. അട്ടിമറിയിൽ അജിത് കുമാറിന്റെ പങ്ക് വ്യക്തമാക്കുന്ന പുതിയ റിപ്പോർട്ട് എസ്ഐടി ഇന്നലെ ഡിജിപിക്ക് നൽകിയിരുന്നു.
വി ഡി സതീശന് സര്ക്കാരിനെതിരെ വീണ്ടും സംഘപരിവാര് ബന്ധം ആരോപിച്ച് പ്രതിപക്ഷം. വഖഫ് ബോര്ഡിനെതിരെ ഹര്ജിക്കാരുമായി ഒത്തുകളിച്ചെന്നാണ് ആരോപണം. വഖഫ് ബോര്ഡ് പുനഃസംഘടനയില് സംസ്ഥാന സര്ക്കാര് കേന്ദ്രത്തിന്റെ വഴിയിലെന്നും പിണറായി വിജയന് ആരോപിച്ചു.
കേരള വഖഫ് ബോർഡിന്റെ പ്രവർത്തനത്തിന് താത്കാലിക നിയന്ത്രണം ഏർപ്പെടുത്തിയ കേരള ഹൈക്കോടതി വിധിക്ക് എതിരെ സുപ്രീം കോടതിയിൽ ഹർജി. സംസ്ഥാന വഖഫ് ബോർഡും വഖഫ് ബോർഡ് അംഗം ഉമർ ഫൈസിയും ആണ് സുപ്രീം കോടതിയെ സമീപിച്ചിരിക്കുന്നത്.
എഡിജിപി അജിത് കുമാറിനെതിരെയും എൽഡിഎഫ് മുന്നണിയിലെ പ്രതിപക്ഷ ഉപനേതൃസ്ഥാനം സംബന്ധിച്ച തർക്കങ്ങളിലും നിലപാട് വ്യക്തമാക്കി സിപിഐ സംസ്ഥാന സെക്രട്ടറി ബിനോയ് വിശ്വം. അജിത് കുമാർ ആ പദവിയിൽ ഇരിക്കാൻ ഒട്ടും യോഗ്യതയില്ലാത്ത ആളാണെന്നും, ഈ കാര്യം സിപിഐ വളരെ നേരത്തെ തന്നെ വ്യക്തമാക്കിയതാണെന്നും അദ്ദേഹം മാധ്യമങ്ങളോട് പറഞ്ഞു.
പ്രതിപക്ഷ ഉപനേതൃസ്ഥാനവുമായി ബന്ധപ്പെട്ട വിഷയത്തിൽ സിപിഐക്ക് യാതൊരുവിധ വാശിയുമില്ല. എല്ലാറ്റിലും ഉപരിയായി ഇടതുപക്ഷ ഐക്യമാണ് സിപിഐ രാഷ്ട്രീയത്തിന്റെ കാതലെന്നും അദ്ദേഹം പറഞ്ഞു.
മന്ത്രിമാര്ക്കെതിരെ പരാതിയെന്ന വാര്ത്ത മാധ്യമ സൃഷ്ടിയെന്ന് മുസ്ലിം ലീഗ് സംസ്ഥാന ജനറല് സെക്രട്ടറി പിഎംഎ സലാം. പോഷക സംഘടനകളില് നിന്നോ പ്രവര്ത്തകരില് നിന്ന് പരാതി ലഭിച്ചിട്ടില്ലെന്നാണ് പ്രതികരണം. അങ്ങനെയുണ്ടെങ്കില് ഞങ്ങള്ക്കല്ലേ കത്ത് നല്കേണ്ടതെന്നും അദ്ദേഹം പറഞ്ഞു.
വയനാട് എം.പി പ്രിയങ്ക ഗാന്ധിയുടെ സെക്രട്ടറിയെന്ന വ്യാജേന ജനപ്രതിനിധികൾക്ക് ഫോൺ കോൾ ചെയ്ത് മന്ത്രിസ്ഥാനവും ഉന്നത പദവികളും വാഗ്ദാനം ചെയ്ത കേസിൽ തട്ടിപ്പിനായി ഉപയോഗിച്ച ഫോൺ നമ്പർ ഒരു ഡൽഹി സ്വദേശിയുടേതാണെന്ന് പൊലീസ് കണ്ടെത്തി. പ്രതികളെ കണ്ടെത്താനായി കേരള പൊലീസിന്റെ പ്രത്യേക സംഘം ഉത്തരേന്ത്യയിലേക്ക് തിരിച്ചു.
കഴിഞ്ഞ എൽഡിഎഫ് സർക്കാർ എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശനോട് സ്വീകരിച്ച നിലപാടിൽ ഡിവൈഎഫ്ഐ വിമർശനമുന്നയിച്ചു. ഡിവൈഎഫ്ഐ ആലപ്പുഴ ജില്ലാ സമ്മേളനത്തിൽ പ്രതിനിധികൾ ശക്തമായി വെള്ളാപ്പള്ളി വിഷയം ഉന്നയിച്ചു. വെള്ളാപ്പള്ളിയോടുള്ള നിലപാടിൽ പിണറായി സർക്കാരിന് വീഴ്ച പറ്റിയെന്നായിരുന്നു വിശദീകരണം.
മുഖ്യമന്ത്രി വി ഡി സതീശൻ പ്രഖ്യാപിച്ച കപ്പൽ നിർമ്മാണ പദ്ധതിയെ പറ്റി അറിയില്ലെന്ന് ടാറ്റ. കേരളത്തിലെന്നല്ല ഒരിടത്തും കപ്പൽ നിർമ്മാണ ശാലയ്ക്കായി നിലവിൽ നിക്ഷേപം നടത്തുന്നില്ലെന്നും ടാറ്റ ഗ്രൂപ്പ് വ്യക്തമാക്കി. 10000 കോടിയുടെ നിക്ഷേപം നടത്താൻ ടാറ്റ ഗ്രൂപ്പ് സന്നദ്ധത അറിയിച്ചിട്ടുണ്ടെന്നായിരുന്നു മുഖ്യമന്ത്രിയുടെ അവകാശവാദം.
മുഖ്യമന്ത്രി വി ഡി സതീശന്റെ ശൈലിയെച്ചൊല്ലി കോൺഗ്രസ് വക്താക്കൾ തമ്മിൽ വാക്പോര് രൂക്ഷമാകുന്നു. സതീശൻ ശൈലിയെ വിമർശിച്ച കോൺഗ്രസ് വക്താവ് വി ആർ അനൂപിനെ ലക്ഷ്യമിട്ട് കെപിസിസി ജനറൽ സെക്രട്ടറി ബി.ആർ.എം ഷഫീർ ഫേസ്ബുക്ക് കുറിപ്പിട്ടു.
ശബരിമല എക്സിക്യൂട്ടീവ് ഓഫീസർ ഒ.ജി.ബിജുവിന്റെ സ്ഥലംമാറ്റത്തിന് ഹൈക്കോടതി അനുമതി നല്കി. ഒ.ജി.ബിജുവിന് പകരം പി.എസ്.ശാന്തകുമാറിനെ നിയമിക്കാനും ഹൈക്കോടതി അനുമതി നല്കി. ദേവസ്വം ബോര്ഡിന്റെ അപേക്ഷയിലാണ് കോടതിയുടെ തീരുമാനം.
എസ്എന് ട്രസ്റ്റ് കോളജുകളില് സർക്കാർ അധ്യാപക നിയമന നോമിനിയെ നല്കിയില്ല എന്ന് പരാതി. നിയമന ബോര്ഡിലേക്ക് നോമിനിയെ നല്കാന് അപേക്ഷ നല്കിയിട്ടും അത് പരിഗണിക്കാന് വൈകുന്നുവെന്നാണ് ആരോപണം. അധ്യാപക നിയമനത്തില് എസ് എന് ട്രസ്റ്റിനോട് സര്ക്കാര് വിശദീകരണം തേടി.
താരസംഘടനയായ അമ്മയിലെ അംഗങ്ങൾക്ക് ശ്വേത കമ്മറ്റിയുടെ കത്ത്. പിഴവുകൾ സംഭവിച്ചത് അനുഭവക്കുറവ് മൂലമാണെന്നും അത് തിരുത്താൻ ഉള്ള നടപടികൾ തുടങ്ങിയെന്നും കത്തിൽ ചൂണ്ടിക്കാട്ടുന്നു. കൂടുതൽ പക്വതയോടെയും ഉത്തരംവാദിത്തത്തോടെയും മുന്നോട്ട് പോകുമെന്നും കത്തിലുണ്ട്
15,000 രൂപ കൈക്കൂലി വാങ്ങിയ കണ്ണൂർ മൈനിംഗ് & ജിയോളജി ഓഫീസിലെ മിനറൽ റവന്യൂ ഇൻസ്പെക്ടർ വിജിലൻസ് പിടിയിൽ. കുറ്റ്യേരി സ്വദേശിയായ പി.പി. ശ്രീധരനാണ് കുടുങ്ങിയത്. ചെറുകുന്ന് സ്വദേശിയിൽ നിന്നാണ് പണം വാങ്ങിയത്.
കാക്കനാട് ജില്ലാ ജയിലിൽ ഒറ്റപ്പാലം തൃക്കുമുറി സ്വദേശി അബ്ദുൽ റഹ്മാന് (28) ഗുരുതരമായി പരിക്കേറ്റു. തലയ്ക്ക് 10 തുന്നലുകളുണ്ട്. സംഭവത്തിൽ സഹ തടവുകാരനായ രഞ്ജിത്ത്(25)നെതിരെ പൊലീസ് കേസെടുത്തു. ലോക്കപ്പിൽ വിശ്രമിക്കുകയായിരുന്ന അബ്ദുൽ റഹ്മാന്റെ മുഖത്തേക്ക് രഞ്ജിത് മുണ്ട് ചുരുട്ടിയെറിഞ്ഞതോടെയാണ് തർക്കം തുടങ്ങിയത്.
കണ്ണൂർ പയ്യന്നൂരിലെ ഒന്നര വയസുകാരൻ്റെ മരണത്തിൽ മാതാപിതാക്കളുടെ മൊഴിയെടുത്തു. ചികിത്സാ പിഴവ് ഉണ്ടായെന്ന് അച്ഛനും അമ്മയും മൊഴി നൽകി. 12 മണിക്ക് ആശുപത്രിയിൽ എത്തിയെങ്കിലും 2 മണിക്ക് ശേഷമാണ് കാര്യമായ ചികിത്സ നൽകിയത്. ഡോക്ടർമാർക്കെതിരെ നടപടി വേണമെന്നും മാതാപിതാക്കൾ ആവശ്യപ്പെട്ടു.
തിരുവനന്തപുരം കിളിമാനൂരിലെ സിനിമ സ്റ്റെൽ തട്ടിക്കൊണ്ടുപോകലില് തിരുവനന്തപുരം സ്വദേശികളായ സുധീഷ്, ഷംനാദ് ഉൾപ്പെടെയുള്ള അഞ്ച് പ്രതികളെ പൊലീസ് തിരയുന്നു. അനിൽകുമാർ എന്നയാളെ തട്ടിക്കൊണ്ടുപോയി ചങ്ങല കൊണ്ട് ബന്ധിച്ചായിരുന്നു ക്രൂരമായ ആക്രമണം. അനിൽ കുമാറിന്റെ മകളെ വിവാഹം കഴിച്ചു കൊടുക്കാത്തത്തിലെ വിരോധമാണ് ആക്രമണത്തിന് കാരണമെന്ന് പൊലീസ് പറയുന്നു.
ആന്ധ്രാപ്രദേശിലെ ചിറ്റൂർ ജില്ലയിൽ മകൾക്കൊപ്പം ക്ഷേത്രദർശനത്തിനെത്തിയ യുവാവിനെ, ഭാര്യയും കാമുകനും ചേർന്ന് ആസൂത്രിതമായി വെട്ടിക്കൊന്നു. തമിഴ്നാട്ടിലെ കൃഷ്ണഗിരി ജില്ലയിലെ രമേശ് (23) ആണ് കൊല്ലപ്പെട്ടത്. ഭാര്യ ഹാസിനിയും (19) സുഹൃത്തായ യുഗന്ധ റും (20) ചേർന്നാണ് കൊലപാതകം ആസൂത്രണം ചെയ്തത്.
റെയിൽവേ ട്രാക്ക് ക്രോസ് ചെയ്യുന്നതിനിടെ ട്രെയിൻ എത്തി. സ്കൂൾ ബസിലേക്ക് ട്രെയിൻ ഇടിച്ച് മൂന്ന് സ്കൂൾ കുട്ടികൾ അടക്കം നാല് പേർക്ക് ദാരുണാന്ത്യം. പശ്ചിമ ബംഗാളിലെ മുർഷിദാബാദിൽ വെള്ളിയാഴ്ച രാവിലെയാണ് അപകടമുണ്ടായത്.
ബെംഗളൂരു അന്താരാഷ്ട്ര വിമാനത്താവളത്തിൽ നിന്നും അഹമ്മദാബാദിലേക്ക് പുറപ്പെടാൻ തയ്യാറെടുത്ത ഇൻഡിഗോ 6E-6423 വിമാനത്തിൽ വ്യാജ ബോംബ് ഭീഷണി. സംഭവത്തിൽ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
ഡല്ഹി ജന്തര്മന്തറില് പ്രതിഷേധിക്കുന്ന പരിസ്ഥിതി-വിദ്യാഭ്യാസ അവകാശ പ്രവര്ത്തകന് സോനം വാങ്ചുകിന്റെ നിരാഹാര സമരത്തിന് ഐക്യദാര്ഢ്യവുമായി കോണ്ഗ്രസ്. മുതിര്ന്ന നേതാവ് പവന് ഖേര സിജെപി സമരവേദിയില് എത്തി സോനം വാങ്ചുകിനെ സന്ദര്ശിച്ചു.
സ്റ്റാർഷിപ്പ് 13 ആം പരീക്ഷണ വിക്ഷേപണം അവസാന നിമിഷം മാറ്റി. റോക്കറ്റിന്റെ ഒന്നാം ഘട്ടത്തിലെ 33 എഞ്ചിനുകളിൽ ചിലത് ജ്വലിക്കാത്തതിനാൽ ആണ് ഇന്നത്തെ ശ്രമം ഉപേക്ഷിക്കേണ്ടി വന്നത്. നിലവിലെ അവസ്ഥയിൽ ബൂസ്റ്ററിലെ രണ്ട് എഞ്ചിനുകൾ എങ്കിലും മാറ്റി വയ്ക്കേണ്ടി വരും എന്നാണ് സ്പേസ് എക്സ് മേധാവി ഇലോൺ മസ്കിന്റെ അറിയിപ്പ്.
2020-ലെ യുഎസ് പ്രസിഡന്റ് തിരഞ്ഞെടുപ്പിൽ ക്രമക്കേട് നടന്നെന്ന ആരോപണം വീണ്ടും സജീവമാക്കി മുൻ പ്രസിഡന്റ് ഡൊണാൾഡ് ട്രംപ്. അമേരിക്കൻ തിരഞ്ഞെടുപ്പ് സംവിധാനത്തിലെ ഗുരുതരമായ പിഴവുകൾ വെളിപ്പെടുത്തുന്ന പുതിയ രഹസ്യാന്വേഷണ വിവരങ്ങൾ പുറത്തുവന്നിട്ടുണ്ടെന്നാണ് ട്രംപിന്റെ അവകാശവാദം.
ഹോര്മുസ് കടലിടുക്ക് കടക്കാനുള്ള അപേക്ഷകളില് ഇന്ത്യയിലേക്കും തിരിച്ചുമുള്ള കപ്പലുകളാണ് മുന്നിലെന്ന് റിപ്പോർട്ട്. ചൈനയാണ് രണ്ടാം സ്ഥാനത്ത്. ഹോര്മുസില് കപ്പല് ഗതാഗതം നിയന്ത്രിക്കുന്നതിന് ഇറാന് രൂപീകരിച്ച പേര്ഷ്യന് ഗള്ഫ് സ്ട്രെയ്റ്റ് അതോറിറ്റി പ്രകാരമുള്ള കണക്കാണിത്.
ഇന്ത്യന് വനിതാ ഏകദിന, ടെസ്റ്റ് ടീമുകളുടെ നായകസ്ഥാനത്തേക്ക് സ്മൃതി മന്ദാനയെ കൊണ്ടുവരാന് സമയമായെന്ന് മുന് ഇന്ത്യന് ക്യാപ്റ്റന് മിതാലി രാജ്. ഹര്മന്പ്രീത് കൗറിന് ശേഷം സ്മൃതിക്ക് ഈ ചുമതല നല്കണമെന്നും, കുറച്ചു വര്ഷങ്ങള്ക്ക് മുന്പേ തന്നെ അവര്ക്ക് ഈ പദവി ലഭിക്കേണ്ടതായിരുന്നുവെന്നും മിതാലി അഭിപ്രായപ്പെട്ടു.
ഞായറാഴ്ച ന്യൂയോർക്ക്-ന്യൂജേഴ്സി സ്റ്റേഡിയത്തിൽ നടക്കുന്ന അർജന്റീന – സ്പെയിൻ ഫൈനൽ മത്സരം കാണാൻ അമേരിക്കൻ പ്രസിഡന്റ് ഡൊണാൾഡ് ട്രംപ് എത്തുമെന്ന് വൈറ്റ് ഹൗസ് സ്ഥിരീകരിച്ചു. മത്സരശേഷം വിജയികൾക്കുള്ള ലോകകപ്പ് ട്രോഫി ഫിഫ പ്രസിഡന്റ് ജിയാനി ഇൻഫാന്റീനോയ്ക്കൊപ്പം ട്രംപും ചേർന്നാവും സമ്മാനിക്കുക.
ലോകകപ്പ് കലാശപ്പോരാട്ടത്തിൽ അർജന്റീനയും സ്പെയിനും നേർക്കുനേർ വരുമ്പോൾ, കളി നേരിട്ട് കാണാൻ അർജന്റീനിയൻ പ്രസിഡന്റ് ഹാവിയർ മിലെയ് എത്തില്ല. ചില അന്ധവിശ്വാസം കാരണമാണ് താൻ പോകാത്തതെന്ന് പ്രസിഡന്റ് ഔദ്യോഗികമായി വ്യക്തമാക്കി.
ഫിഫ ലോകകപ്പ് ഫൈനലില് അര്ജന്റീനയും സ്പെയിനും തമ്മിലുള്ള കിരീടപ്പോരാട്ടം നിയന്ത്രിക്കാന് സ്ലോവേനിയന് റഫറി സ്ലാവോ വിന്സിക്കിനെ തെരഞ്ഞെടുത്തു. ന്യൂയോര്ക്കില് നടക്കുന്ന ഫൈനല് മത്സരത്തില് വിന്സിക്കിനൊപ്പം സഹപ്രവര്ത്തകരായ ടോമാസ് ക്ലാന്ച്നിക്, ആന്ഡ്രാസ് കോവാസിക് എന്നിവര് അസിസ്റ്റന്റ് റഫറിമാരായി ഉണ്ടാകും.