ഈസ്റ്റര് ദിനം പ്രവര്ത്തി ദിവസമാക്കികൊണ്ട് കഴിഞ്ഞദിവസമിറക്കിയ ഉത്തരവ് മണിപ്പൂര് സര്ക്കാര് പിന്വലിച്ചു. പുതിയ ഉത്തരവനുസരിച്ച് മണിപ്പൂരില് ദുഖവെള്ളിയും ഈസ്റ്ററും അവധി ദിവസമായിരിക്കും. ഇതിനിടയില് ശനിയാഴ്ച മാത്രം പ്രവര്ത്തി ദിനമായിരിക്കുമെന്ന് വ്യക്തമാക്കിയാണ് പുതിയ ഉത്തരവിറക്കിയത്. ഈസ്റ്റർ ദിനത്തെ അവധി റദ്ദാക്കിയത് നേരത്തെ വലിയ വിവാദങ്ങള്ക്കിടയാക്കിയിരുന്നു. മണിപ്പൂരില് ഈസ്റ്ററിനും ദു:ഖവെള്ളിക്കും അവധി നിഷേധിച്ചതിനെതിരെ കേന്ദ്ര മന്ത്രിയും തിരുവനന്തപുരത്തെ എന്ഡിഎ സ്ഥാനാര്ത്ഥിയുമായ രാജീവ് ചന്ദ്രശേഖര്, തിരുവനന്തപുരത്തെ യുഡിഎഫ് സ്ഥാനാര്ത്ഥി ശശി തരൂര്, പ്രതിപക്ഷ നേതാവ് വിഡി സതീശൻ, കെസി വേണുഗോപാല് തുടങ്ങിയവരും പ്രതിഷേധം അറിയിച്ചിരുന്നു.