വോട്ടെണ്ണല് സുതാര്യമാക്കണമെന്നാവശ്യപ്പെട്ട് ഇന്ത്യ സഖ്യ നേതാക്കള് തെരഞ്ഞെടുപ്പ് കമ്മീഷനെ കണ്ടു. തെരഞ്ഞെടുപ്പ് ഫലത്തെയും, തെരഞ്ഞെടുപ്പ് കമ്മീഷനെയും അപമാനിക്കാന് ഇന്ത്യ സഖ്യം ശ്രമിക്കുന്നുവെന്നാരോപിച്ച് ബിജെപി നേതാക്കളും കമ്മീഷനിലെത്തി.പോസ്റ്റല് ബാലറ്റുകള് ആദ്യം എണ്ണി ഫലം പ്രഖ്യാപിക്കണം, അതിന് ശേഷം മാത്രമേ ഇലക്ട്രോണിക് വോട്ടിംഗ് മെഷീനുകളിലെ വോട്ടുകള് എണ്ണാവൂയെന്ന് നേതാക്കള് കമ്മീഷനോടാവശ്യപ്പെട്ടു. ഫോം 17 സിയില് ബൂത്ത് തിരിച്ചുള്ള വോട്ടിംഗ് കണക്കുകള് ലഭ്യമാക്കണമെന്നും ആവശ്യപ്പെട്ടു.
