ലോക്സഭയിൽ വനിതാ സംവരണ ബില്ലിന്മേലുള്ള ചർച്ച പുരോഗമിക്കുന്നു. 2023ലെ വനിത സംവരണ ബില്ല് ഇന്നലെ വിജ്ഞാപനം ചെയ്തതിൽ ലോക്സഭയിൽ പ്രതിപക്ഷം പ്രതിഷേധിച്ചു. ലോക്സഭ തുടങ്ങിയപ്പോൾ കെസി വേണുഗോപാൽ എംപിയാണ് ഇക്കാര്യം ഉന്നയിച്ചത്. വനിതാ സംവരണ ബില്ലിൽ കൂടുതൽ ചർച്ചകൾ വേണമെന്ന് ഡോ. ശശി തരൂർ. എന്തിനാണ് വനിതാ സംവരണത്തെ മണ്ഡല പുനർനിർണയുമായി ബന്ധിപ്പിച്ചത്. നോട്ട് നിരോധനത്തിൽ കാണിച്ച വേഗതയാണ് സർക്കാർ മണ്ഡലം നിർണയത്തിന് കാണിക്കുന്നത്. മണ്ഡല പുനർനിർണയത്തെ പേരിൽ വനിതാ സംവരണം വൈകിപ്പിക്കുകയാണെന്നും ശശി തരൂർ […]
ഫ്രഞ്ച് ഓപ്പണ് ടെന്നിസ് ടൂര്ണമെന്റിന്റെ സമ്മാനത്തുക വര്ധിപ്പിച്ചു
ഫ്രഞ്ച് ഓപ്പണ് ടെന്നിസ് ടൂര്ണമെന്റിന്റെ ആകെ സമ്മാനത്തുക 9.5 ശതമാനം വര്ധിപ്പിച്ചു. കഴിഞ്ഞ വര്ഷത്തേക്കാള് 53 ലക്ഷം യൂറോ (57 കോടി രൂപയിലധികം) വര്ധിച്ച് 6.17 കോടി യൂറോ ആയാണ് (ഏകദേശം 677 കോടി രൂപ) സമ്മാനത്തുക ഉയര്ത്തിയിരിക്കുന്നത്. കഴിഞ്ഞവര്ഷം ഇത് 5.64 കോടി യൂറോ (ഏകദേശം 618 കോടി രൂപ) ആയിരുന്നു. ഇതോടെ പാരിസിലെ റൊളാങ് ഗാരോസില് 24ന് ആരംഭിക്കുന്ന ഗ്രാന്ഡ്സ്ലാം ടൂര്ണമെന്റിലെ പുരുഷ-വനിതാ സിംഗിള്സ് മത്സരങ്ങളില് ജേതാവാകുന്നവര്ക്ക് 28 ലക്ഷം യൂറോ (30 കോടി […]
പരസ്യ പ്രസ്താവന നടത്തുന്ന നേതാക്കൾ ശ്രദ്ധിക്കണമെന്ന് പിഎംഎ സലാം
പൊരി വെയിലത്ത് പ്രവർത്തിച്ച ലക്ഷക്കണക്കിന് യുഡിഎഫ് പ്രവർത്തകർ ചെയ്ത ത്യാഗത്തെ വിസ്മരിക്കലാണ് മുഖ്യമന്ത്രി ആരാകുമെന്ന കോൺഗ്രസ് പ്രവർത്തകരുടെ വാദപ്രതിവാദങ്ങളെന്ന് ലീഗ് സംസ്ഥാന ജനറൽ സെക്രട്ടറി പി എം എ സലാം. മുഖ്യമന്ത്രിയെ തീരുമാനിക്കണമെങ്കിൽ വോട്ടേണ്ണി കഴിയണം,ഭൂരിപക്ഷം കിട്ടണം. യുഡിഎഫിൽ നടക്കുന്ന ചർച്ച പുറത്തുവിടുന്നത് ഉചിതമായ നടപടിയല്ല. വോട്ടർമാർക്കിടയിലും യുഡിഎഫ് പ്രവർത്തകർക്കിടയിലെ നൈരാശ്യം ഉണ്ടാകുന്ന പ്രവർത്തനങ്ങളിലേക്ക് നേതാക്കൾ പോകരുതെന്നാണ് ലീഗിന്റെ പൊതു അഭിപ്രായമെന്ന് അദ്ദേഹം പറഞ്ഞു.
കോഴിക്കോട് ഡിസിസി ജനറല് സെക്രട്ടറി നിജേഷ് അരവിന്ദ് രാജിവച്ചു
കോഴിക്കോട് ഡിസിസി ജനറല് സെക്രട്ടറി നിജേഷ് അരവിന്ദ് രാജിവച്ചു. നിജേഷിനെ ബേപ്പൂര്, എലത്തൂര് ഉള്പ്പെടെയുള്ള ചില മണ്ഡലങ്ങളിലേക്ക് പരിഗണിക്കുന്നതായി ചില റിപ്പോര്ട്ടുകള് മുമ്പ് വന്നിരുന്നു. എന്നാൽ നിയമസഭാ തിരഞ്ഞെടുപ്പിലേക്കുള്ള സ്ഥാനാര്ഥികളുടെ ലിസ്റ്റ് വന്നപ്പോള് അതില് നിജേഷിന്റെ പേരുണ്ടായിരുന്നില്ല. ബാലുശ്ശേരി മണ്ഡലത്തിന്റെ പ്രചാരണ ചുമതല നല്കാമെന്നായിരുന്നു ആ ഘട്ടത്തില് പാര്ട്ടി നേതൃത്വം നിജേഷിനോട് പറഞ്ഞിരുന്നത്. എന്നാല് ബാലുശ്ശേരിയിലും നിജേഷിന് കാര്യമായ ചുമതല നല്കിയില്ല. ഇതേ തുടർന്നാണ് രാജിയെന്നാണ് സൂചന.
ഇടമലക്കുടിയില് 65,000 കിലോ റേഷന് അരി കാണാതായ സംഭവത്തില് തുടരന്വേഷണം
ഗോത്രവര്ഗ്ഗ പഞ്ചായത്തായ ഇടമലക്കുടിയില് ഒരുമാസമായി റേഷന് അരി ലഭിച്ചില്ലെന്ന പരാതിയിൽ തുടരന്വേഷണത്തിന് ഉത്തരവിട്ട് ഇടുക്കി ജില്ലാ കളക്ടര്. റേഷന് കടകളില് അരി സ്റ്റോക്കില്ലാത്ത സാഹചര്യത്തിലാണ് കളക്ടര് അന്വേഷണത്തിന് ഉത്തരവിട്ടിരിക്കുന്നത്. സിവില് സപ്ലൈസ് വകുപ്പും, സഹകരണ വകുപ്പ് റജിസ്ട്രാറുമാണ് അന്വേഷണം നടത്തുക. കുറ്റം തെളിഞ്ഞാല് വിതരണക്കാര്ക്ക് എതിരെ ക്രിമിനല് നടപടി ഉണ്ടാകുമെന്ന് ദേവികുളം സബ് കളക്ടര് വി എം ആര്യ പറഞ്ഞു.
രാജ്യം മാവോയിസ്റ്റ് സംഘർഷങ്ങളിൽ നിന്ന് മുക്തമായെന്ന് കേന്ദ്ര സർക്കാർ
രാജ്യം മാവോയിസ്റ്റ് സംഘർഷങ്ങളിൽ നിന്ന് മുക്തമായെന്ന് ദില്ലിയിൽ നടന്ന ഉന്നത തല അവലോകനത്തിന് ശേഷം കേന്ദ്ര ആഭ്യന്തര മന്ത്രാലയം സംസ്ഥാനങ്ങളോട് വ്യക്തമാക്കി. രാജ്യത്തെ ഇടത് തീവ്രവാദം അവസാനിപ്പിക്കാനുള്ള നയത്തിൻ്റെ ഭാഗമായി 2015 ൽ അവതരിപ്പിച്ച പ്രതിരോധ പ്രവർത്തനങ്ങളുടെ വിജയമായാണ് കേന്ദ്രം ഇതിനെ വിശേഷിപ്പിക്കുന്നത്. ഇത് ചരിത്രപരമായ നേട്ടമാണെന്നും, എട്ട് സംസ്ഥാനങ്ങൾക്ക് അയച്ച ഔദ്യോഗിക അറിയിപ്പ് പ്രകാരം രാജ്യത്തെ ഒരൊറ്റ ജില്ല പോലും ഇപ്പോൾ നക്സൽ സംഘർഷ ബാധിതമല്ലെന്നും കേന്ദ്രസർക്കാർ പറഞ്ഞു.
നിതിന് രാജിന്റെ മരണവുമായി ബന്ധപ്പെട്ട് ഇന്സ്റ്റ പേ ലോണ് ആപ്പിനെതിരെ കേസ്
കണ്ണൂര് അഞ്ചരക്കണ്ടി ദന്തല് കോളജിലെ ബിഡിഎസ് വിദ്യാര്ഥി നിതിന് രാജിന്റെ മരണവുമായി ബന്ധപ്പെട്ട് ഇന്സ്റ്റ പേ ലോണ് ആപ്പിനെതിരെ ചക്കരയ്ക്കല് പൊലീസ് സ്വമേധയാ കേസെടുത്തു. കഴിഞ്ഞ ജനുവരിയിലാണ് നിതിന് രാജ് ആപ്പ് വഴി 36 ശതമാനം പലിശയ്ക്ക് 15000 രൂപ വായ്പയെടുത്തത്. ഏപ്രില് മാസമായപ്പോഴേക്കും ആപ്പുമായി ബന്ധപ്പെട്ടവര് നിതിനെ നിരന്തരം ഭീഷണിപ്പെടുത്താന് തുടങ്ങിയെന്നും ഭയപ്പെടുത്തി പണം തിരിച്ചടപ്പിക്കാന് ശ്രമിച്ചുവെന്നുമാണ് എഫ്ഐആറില് പറയുന്നത്.
യു.ഡി.എഫിലെ മുഖ്യമന്ത്രി സ്ഥാനത്തെച്ചൊല്ലിയുള്ള ചർച്ചകൾ നിരീക്ഷിച്ച് ഹൈക്കമാൻഡ്
നിയമസഭാ തെരഞ്ഞെടുപ്പിൻ്റെ വോട്ടെടുപ്പ് പൂർത്തിയായതിന് പിന്നാലെ യു.ഡി.എഫ് ക്യാമ്പിൽ തുടങ്ങിയ മുഖ്യമന്ത്രി സ്ഥാനത്തെച്ചൊല്ലിയുള്ള ചർച്ചകൾ നിരീക്ഷിച്ച് ഹൈക്കമാൻഡ്. കോൺഗ്രസ് അധ്യക്ഷൻ മല്ലികാർജ്ജുൻ ഖാർഗെ കേരളത്തിലെ മുതിർന്ന നേതാക്കളുമായി ഫോണിൽ സംസാരിക്കുകയും നിലവിലെ രാഷ്ട്രീയ സാഹചര്യത്തെക്കുറിച്ച് വിവരം തേടുകയും ചെയ്തു. തെരഞ്ഞെടുപ്പ് ഫലം വരുന്നതുവരെ മുഖ്യമന്ത്രി സ്ഥാനത്തെക്കുറിച്ച് പരസ്യ പ്രതികരണം പാടില്ലെന്ന് എ. ഐ. സി. സിയും കർശന നിർദ്ദേശം നൽകിയിട്ടുണ്ട്.
യുഡിഎഫ് ജനങ്ങളുടെ മുമ്പിൽ പരിഹാസ്യരാകുന്നുവെന്ന വിലയിരുത്തലിൽ ലീഗ് നേതൃത്വം
കോൺഗ്രസിൽ മുഖ്യമന്ത്രി ആരാകുമെന്ന പോരിൽ മുസ്ലീം ലീഗ് നേതൃത്വത്തിന് കടുത്ത അതൃപ്തിയെന്ന് സൂചന. യുഡിഎഫ് ജനങ്ങളുടെ മുമ്പിൽ പരിഹാസ്യരാകുന്നുവെന്നും, നേതാക്കൾ തന്നെയാണ് മുഖ്യമന്ത്രി വിവാദത്തിന് വഴി വെച്ചതെന്നും മുസ്ലിം ലീഗ് വിലയിരുത്തുന്നു. അതേസമയം, മുഖ്യമന്ത്രി പദവിയിലേക്ക് ആരുടെയും പക്ഷം പിടിക്കില്ലെന്ന നിലപാടിലാണ് ലീഗ്.
അള്ട്രാ വയലറ്റ് ഇന്ഡക്സ് ഉയര്ന്നതിനാല് ജാഗ്രത വേണമെന്ന് മുന്നറിയിപ്പ്
അള്ട്രാവയലറ്റ് ഇന്ഡക്സ് ഉടരുന്നത് ആരോഗ്യ പ്രശ്നങ്ങള്ക്ക് കാരണമാകുന്നതിനാൽ ജാഗ്രതപാലിക്കണമെന്ന് ദുരന്തനിവാരണ അതോറിറ്റി നിര്ദേശം നല്കി. പാലക്കാട് ഉയര്ന്ന താപനില 40 ഡിഗ്രി സെല്ഷ്യസ് വരേയും, കൊല്ലത്ത് 39 ഡിഗ്രി സെല്ഷ്യസ് വരെയും കോട്ടയത്ത് 38 ഡിഗ്രി സെല്ഷ്യസ് വരെയും താപനില ഉയരാന് സാധ്യതയുണ്ട്. ഉയര്ന്ന താപനിലയും ഈര്പ്പമുള്ള വായുവും കൂടാതെ സംസ്ഥാനത്തെ ഉയര്ന്ന അള്ട്രാ വയലറ്റ് ഇന്ഡക്സ് കാരണത്താല് സൂര്യാഘാതം, സൂര്യതാപം പോലുള്ള ആരോഗ്യപ്രശ്നങ്ങള്ക്ക് സാധ്യതയുണ്ടെന്ന് സംസ്ഥാന ദുരന്ത നിവാരണ അതോറിറ്റി നിര്ദ്ദേശിച്ചു.
