വടകരയിലെ യുഡിഎഫ് സ്ഥാനാര്ത്ഥിയായ ഷാഫി പറമ്പിലിനോട് താൻ എന്തിനാണ് മാപ്പ് പറയേണ്ടതെന്ന് എൽഡിഎഫ് സ്ഥാനാര്ത്ഥി കെകെ ശൈലജ. തന്നെ അധിക്ഷേപിച്ചതിന്റെ തെളിവുകൾ പൊതു മധ്യത്തിലുണ്ട്. തനിക്കെതിരായ പ്രചാരണം ജനം തിരിച്ചറിഞ്ഞപ്പോൾ അതിൽ നിന്ന് രക്ഷപ്പെടാനാണ് യുഡിഎഫ് സ്ഥാനാർത്ഥിയുടെ ശ്രമം. ലോക്സഭാ തെരഞ്ഞെടുപ്പിൽ ജനം എല്ലാ കാര്യങ്ങൾക്കും മറുപടി നൽകുമെന്നും കെകെ ശൈലജ പറഞ്ഞു. വീഡിയോ വിവാദത്തില് കെകെ ശൈലജ ഇരുപത്തിനാല് മണിക്കൂറിനകം വാര്ത്താസമ്മേളനം വിളിച്ച് മാപ്പ് പറഞ്ഞില്ലെങ്കില് നിയമനടപടിയിലേക്ക് കടക്കുമെന്ന ഷാഫി പറമ്പിലിൻ്റെ നോട്ടീസിനോട് പ്രതികരിക്കുകയായിരുന്നു ശൈലജ.
