ജനുവരിയില് ഫ്ലാഗ് ഓഫ് ചെയ്യുമെന്ന് പറഞ്ഞ ഇലക്ട്രിക് ഡബിള് ഡെക്കര് ബസിന്റെ ഉദ്ഘാടനം എന്തിനാണ് ഇത്രയും വെച്ചുതാമസിപ്പിച്ചതെന്ന് അറിയില്ലെന്ന് മുൻ ഗതാഗതമന്ത്രി ആന്റണി രാജു. താന് ഗതാഗത മന്ത്രിയായിരുന്ന സമയത്താണ് സ്മാര്ട്ട് സിറ്റിയുമായി ബന്ധപ്പെട്ട ചര്ച്ചകള് നടത്തിയതെന്നും, അതിൽ നിന്നും 100 കോടി അനുവദിച്ച് കിട്ടിയാണ് 103 ഇലക്ടിക് ബസുകളും രണ്ട് ഇലക്ട്രിക് ഡബിള് ഡക്കര് ബസുകളും വാങ്ങാന് തീരുമാനിച്ചത്. ഞാന് മന്ത്രിയായിരുന്നപ്പോള് വാങ്ങിയ ബസാണ് ഇതെല്ലാം അത് റോഡിലിറങ്ങുമ്പോള് ഡെലിവറി നടക്കുന്ന സമയത്ത് ഒരച്ഛനുണ്ടാകുന്ന സന്തോഷമാണ് ഇപ്പോള് തനിക്കെന്നും ആന്റണി രാജു പറഞ്ഞു. ഇതിലെ വെറുതേ പോയപ്പോഴാണ് രണ്ട് ബസുകളും ഉദ്ഘാടന കര്മത്തിനായി ഒരുക്കിനിര്ത്തിയിരിക്കുന്നത് കണ്ടതെന്നും അദ്ദേഹം കൂട്ടിച്ചേർത്തു.
