ഇലക്ടറല് ബോണ്ട് നിര്ത്തലാക്കണമെന്ന സുപ്രീംകോടതി വിധിക്കു പിന്നാലെ ബിജെപിക്ക് കൈക്കൂലിയും കമ്മീഷനും വാങ്ങാനുള്ള വഴിയാണ് ഇലക്ടറല് ബോണ്ട് എന്ന് രാഹുല് ഗാന്ധി വിമർശിച്ചു. ഇലക്ടറല് ബോണ്ട് സ്കീം ഭരണഘടന വിരുദ്ധമാണെന്നും, സകീം റദ്ദാക്കണമെന്നും സുപ്രീംകോടതി ഭരണഘടന ബഞ്ച് ഉത്തരവിട്ടിരുന്നു. പാർട്ടികൾക്ക് ലഭിക്കുന്ന സംഭാവനയെക്കുറിച്ച് അറിയാൻ ജനങ്ങൾക്ക് അവകാശമുണ്ടെന്നും, പാർട്ടികൾക്ക് ലഭിച്ച സംഭാവന വിവരങ്ങൾ തിരഞ്ഞെടുപ്പ് കമ്മീഷൻ പരസ്യപ്പെടുത്തണമെന്നും സുപ്രീം കോടതി നിര്ദേശം ഉണ്ട്.
