പുറത്തിറങ്ങാനിരിക്കുന്ന ജേസണ് സ്റ്റാതം ചിത്രം ‘മ്യൂട്ടിനി’ ആമസോണ് പ്രൈം വീഡിയോ വഴി ചോര്ന്നു. പുറത്തിറങ്ങാന് രണ്ടുദിവസം ബാക്കി നില്ക്കെ പ്രൈം വീഡിയോയില് ചിത്രം സ്ട്രീം ചെയ്യുകയായിരുന്നു. വെള്ളിയാഴ്ച പുറത്തിറങ്ങുന്ന ചിത്രം യു.എസില് അബദ്ധത്തില് പ്രൈം വീഡിയോയില് സ്ട്രീം ചെയ്യുകയായിരുന്നു. ഒന്നര മണിക്കൂറിലേറെയുള്ള ചിത്രം ഒരു മണിക്കൂര് നേരം യു.എസിലെ പ്രൈം വീഡിയോ പ്ലാറ്റ്ഫോമുകളില് ലഭ്യമായിരുന്നു. സംഭവം ശ്രദ്ധയില്പ്പെട്ടതിന് പിന്നാലെ പ്രൈം വീഡിയോയില്നിന്ന് നീക്കി. എന്നാല്, അതിനകംതന്നെ ഒട്ടേറെ ആളുകള് ചിത്രം കണ്ടതായി സാമൂഹികമാധ്യമങ്ങളില് അവകാശപ്പെട്ടു. സംഭവത്തില് ആമസോണോ ചിത്രത്തിന്റെ നിര്മാതാക്കളോ വിതരണക്കാരായ ലയണ്സ്ഗേറ്റോ പ്രതികരിച്ചിട്ടില്ല. ആഗോളതലത്തില് തിയേറ്റര് റിലീസായാണ് ചിത്രം പ്രഖ്യാപിച്ചത്. ഒ.ടി.ടി. റിലീസ് വിവരം ഇതുവരെ പുറത്തുവിട്ടിരുന്നില്ല.
