ഇന്നലെ പള്ളിക്കത്തോട് കെ ആര് നാരായണന് ഫിലിം ഇന്സ്റ്റിറ്റ്യൂട്ടിന് സമീപം വിദ്യാര്ഥികള് സംഘടിപ്പിച്ച രാം കെ നാം ഡോക്യുമെന്ററി പ്രദര്ശനമാണ് ബിജെപി പ്രവര്ത്തകര് പ്രതിഷേധവുമായി എത്തിയതോടെ നിര്ത്തി വച്ചത്. എന്നാൽ വിദ്യാര്ഥികള് ഡോക്യുമെന്ററി കോളേജ് കോമ്പൗണ്ടിന് അകത്ത് പ്രദര്ശിപ്പിച്ചിരുന്നു. അതോടൊപ്പം ബാബ്റി മസ്ജിദ് തകര്ത്തതുമായി ബന്ധപ്പെട്ട രാം കെ നാം ഡോക്യുമെന്ററി കെ.ആര് നാരായണന് ഫിലിം ഇന്സ്റ്റിറ്റ്യൂട്ടിന്റെ മുന്നില് പ്രദര്ശിപ്പിക്കുമെന്ന് ഡിവൈഎഫ്ഐ നേതാവ് ജെയ്ക്ക് സി തോമസ് വ്യക്തമാക്കി. വിഖ്യാത ചലച്ചിത്രകാരന് ആനന്ദ് പട്വര്ധന് 1992ല് തയ്യാറാക്കിയതാണ് രാം കെ നാം ഡോക്യുമെന്ററി. രാമക്ഷേത്രം നിര്മ്മിക്കുകയെന്ന ഉദ്ദേശത്തോടെ വിശ്വ ഹിന്ദു പരിഷത്ത് തുടങ്ങിയ പ്രചാരണവും അതിന്റെ പരിണിത ഫലങ്ങളും ഇത് കൊളുത്തിവിട്ട വര്ഗീയ സംഘര്ഷങ്ങളുമാണ് ഡോക്യുമെന്ററിയിലെ പ്രമേയം. അയോധ്യയില് ബാബ്റി പള്ളിയുമായി ബന്ധപ്പെട്ട ഇരുവാദങ്ങളെയും സമഗ്രമായി വിലയിരുത്തുന്നതാണ് ഡോക്യുമെന്ററി.