മന്ത്രിസഭ അംഗീകരിച്ച പുതിയ മദ്യനയത്തിലൂടെ ത്രീ സ്റ്റാറിനും അതിനുമുകളിലുമുള്ള ഹോട്ടലുകള്ക്കും റിസോര്ട്ടുകള്ക്കും കള്ള് വാങ്ങി വിൽക്കാൻ അനുമതി നൽകിയിട്ടുണ്ടെന്ന് എക്സൈസ് മന്ത്രി എംബി രാജേഷ്. നാടൻ കള്ള് വിൽക്കാനുള്ള പ്രത്യേക അനുമതിയാണ് നൽകുന്നതെന്നും സംസ്ഥാനത്തെ കള്ളു ഷാപ്പുകളോട് ചേര്ന്ന് നല്ല ഭക്ഷണശാലകൾ ആരംഭിക്കുമെന്നും ലഹരിയോടുള്ള ആസക്തി കുറയ്ക്കുകയെന്നതാണ് മദ്യ നയത്തിന്റെ കാതലെന്നും മന്ത്രി എംബി രാജേഷ് പറഞ്ഞു.
