പലസ്തീന് ഐക്യദാര്ഢ്യ റാലിയില് മുസ്ലീം ലീഗിനെ ക്ഷണിച്ചതിന് ശേഷമുള്ള രാഷ്ട്രീയ നീക്കങ്ങള് വിജയിച്ചെന്ന് വിലയിരുത്തി സിപിഐഎം. സിപിഐഎം സംസ്ഥാന സെക്രട്ടറിയേറ്റ് യോഗത്തിലാണ് വിലയിരുത്തല്. സെമിനാറിലേക്ക് ലീഗ് വരുമെന്ന അമിത പ്രതീക്ഷ വേണ്ടയെന്നും ലീഗ് വന്നാലും ഇല്ലെങ്കിലും രാഷ്ട്രീയ നേട്ടമുണ്ടായതായി സിപിഐഎം.കോണ്ഗ്രസ്-ലീഗ് ഭിന്നത മറനീക്കി പുറത്തുവന്നുവെന്നും പലസ്തീന് വിഷയത്തില് കോണ്ഗ്രസിന്റെ നിലപാടില്ലായ്മ വെളിപ്പെട്ടുവെന്നും സിപിഐഎം വിലയിരുത്തല്. ഇതോടെ രാഷ്ട്രീയ സാഹചര്യം അനുകൂലമായി മാറിയെന്നും സിപിഐഎം സെക്രട്ടറിയേറ്റ് വിലയിരുത്തി.
